దొండకాయ మసాలా కూర

దొండకాయ మసాలా కూర

ఆలూరి కృష్ణ ప్రసాద్ 

కావలసినవి .  

మసాలా  పొడికి.

ఎండు  మిరపకాయలు  --  12

ధనియాలు  ---   మూడు  స్పూన్లు 

పచ్చి  శనగపప్పు  --  మూడు  స్పూన్లు 

మినపప్పు  --  ఒకటిన్నర   స్పూను 

జీలకర్ర  --  పావు స్పూను 

పల్లీలు  --   రెండు  స్పూన్లు 

నువ్వుపప్పు  --  రెండు స్పూన్లు 

ఎండు కొబ్బరి --  పావు  చిప్ప  చిన్న ముక్కలుగా  కోసుకోవాలి 

 మెంతులు  --  పావు  స్పూను 

నూనె  ---  150  గ్రా.

ఉప్పు  ---  తగినంత 

పసుపు  --  కొద్దిగా 

దొండకాయలు  చిన్న సైజువి    --   అర  కిలో .

*******************

తయారీ  విధానము .

ముందుగా  మసాలా  పొడి  సిద్ధం  చేసుకోవాలి .

మసాలా  పొడి .

స్టౌ  మీద  బాండీ  పెట్టి  మూడు  స్పూన్లు  నూనె  వేసి  నూనె  కాగగానే  ముందుగా  మెంతులు  ఎండుమిరపకాయలు  వేసి  మెంతులు  వేగగానే  ధనియాలు , పచ్చి శనగపప్పు , మినపప్పు  , కొంచెం  పసుపు , పల్లీలు ,  జీలకర్ర ,  ఎండుకొబ్బరి ముక్కలు వేసి  వేగగానే  నువ్వుపప్పు   కూడా వేసి  వేయించి  దింపు కోవాలి.

చల్లారగానే  మిక్సీ లో  వేసి  తగినంత   ఉప్పు వేసి  మెత్తగా   వేసుకోవాలి .

తర్వాత  దొండకాయలు  కడిగి  నాలుగు  పక్షాలుగా  చేసుకొని  కాయల్లో  ఆ కారం  కూరు  కోవాలి .

కొంచెం  పొడి  చివరలో  కాయల  మీద  వేయడానికి  ఉంచుకోవాలి .

తర్వాత  స్టౌ  మీద  బాండీ  పెట్టి మిగిలిన  పోసి  నూనె  బాగా  కాగగానే   మసాలా  కూరిన  దొండ కాయలు వేసి  మూత పెట్టి  మీడియం  సెగన  కారం  మాడ కుండా  కాయల్ని  అటూ ఇటూ  మధ్య   మధ్య   కదుపు తుండాలి .

మసాలా కారం    కాయలు  మగ్గగానే  మూత తీసి  మిగిలిన కారం  కూడా  కూర లో  వేసి   మరో  మూడు  నిముషాలు  కాయల్ని  వేగ నివ్వాలి .

ఆ తర్వాత  దింపి  వేరే  Bowl  లోకి  తీసుకోవాలి .

అంతే  ఎంతో  రుచి కరమైన  మసాలా  వంకాయ  కూర  సర్వింగ్  కు  సిద్ధం.