పరుప్పు పాయసం
ఆలూరి కృష్ణ ప్రసాద్
ప్రియమిత్రులారా !
ఈ రోజు మీ అందరికీ తమిళ నాడులో ప్రతి శుభ సందర్భము లోను తమిళులు చేసే ' పరుప్పుపాయసం ' ఎలా చేయాలో తెలియ చేస్తాను .
పరుప్పు పాయసం.
*****************
కావలసిన పదార్ధములు.
పచ్చి శనగపప్పు లేదా
పెసర పప్పు --- ఒక కప్పు
బెల్లం --- ఒక కప్పు
పచ్చి కొబ్బరి ముక్కలు ---
ఒక కప్పు
నెయ్యి --- అర కప్పు
కొబ్బరి పాలు -- ఒకటిన్నర కప్పు
జీడిపప్పు --- 25 గ్రాములు
యాలకుల పొడి -- అర టీ స్పూను.
కొబ్బరి పాలు తీసుకునే విధానము .
ఒక పెద్ద సైజు కొబ్బరి కాయను కొట్టి పచ్చి కొబ్బరి తురుము తో
తురుముకోవాలి.
మొత్తం రెండు చిప్పలు తురుము కోవాలి .
తరువాత మిక్సీలో వేసి తిప్పి అందులోని పాలు ఒక గిన్నెలో పిండు కోవాలి.
తర్వాత మళ్ళీ మిక్సీలో వేసి
చాలా కొద్దిగా నీరు పోసి తిప్పి మిగిలిన పాలు కూడా పిండు కోవాలి .
ఈ విధంగా ఒకటిన్నర కప్పు పాలు తయారు చేసుకోవాలి .
ఇక ' పరుప్పు పాయసం ' తయారు చేయు విధానము .
ముందుగా పచ్చి శనగపప్పు గాని లేదా పెసర పప్పు గాని మీరు దేనితో చేయ దల్చు కున్నారో దానిని నూనె / నెయ్యి వెయ్యకుండా పచ్చి వాసన పోయేవరకు దోరగా వేయించుకోవాలి .
ఆ తర్వాత కుక్కర్ లో ఒక కప్పు పప్పుకు ఒకటిన్నర కప్పు నీళ్ళు పోసి రెండు లేక మూడు విజిల్స్
వచ్చే వరకు ఉడికించి స్టౌ ఆపి వేయాలి .
ఆ తర్వాత బాండీలో నెయ్యి
వేసి జీడిపప్పు దోరగా వేయించి ప్లేటులో ప్రక్కన పెట్టుకోవాలి .
ఆ తర్వాత నెయ్యిలో పచ్చి కొబ్బరి ముక్కలు Gold Colour వచ్చే వరకు వేయించు కోవాలి .
ఆ తర్వాత బాండీ పెట్టి కొద్దిగా నీళ్ళు పోసి తరిగి ఉంచుకున్న బెల్లం వేసి పాకం రాకుండా పూర్తిగా కరిగే వరకు కలపాలి .
బెల్లం పూర్తిగా కరగగానే ఉడికిన శనగపప్పు లేదా పెసర పప్పు కొద్దిగా మెదిపి ఆ పాకంలో వేయాలి .
ఆ తర్వాత కొబ్బరి పాలు పోసి
బాగా ఉడకనివ్వాలి .
ఆ తర్వాత వేయించిన ( పచ్చి )
కొబ్బరి ముక్కలు , యాలకుల పొడి అందులో వేయాలి.
కొద్ది సేపు అయిన తర్వాత చివరగా నెయ్యి మరియు వేయించిన జీడిపప్పు అందులో కలపాలి .
అంతే ఘమ ఘమ లాడే తమిళ
వంటకం " పరుప్పు పాయసం "
సర్వింగ్ కు రెడీ .
ఇందులో బియ్యం వాడరు.
మనం మామూలుగా పాలు పోస్తాము.
బదులుగా వారు కొబ్బరి పాలు పోసి చేస్తారు .
అదీ తేడా !
మరి మీరు కూడా ప్రయత్నించండి .
