వంకాయ పెరుగు పచ్చడి

వంకాయ పెరుగు పచ్చడి

ఆలూరి కృష్ణ ప్రసాద్

రోటితో మిక్సీతో పని లేకుండా అప్పటికప్పుడు భోజనానికి ముందు తయారు చేసుకునే వంకాయ పెరుగు పచ్చడి.

స్టౌ వెలిగించి వంకాయకు నూనె రాసి అన్ని వైపులా బాగా కాల్చుకోవాలి.

చల్లారాక తడి చేత్తో పై పొట్టు తీసేసుకోవాలి.

స్టౌ వెలిగించి బాండీ పెట్టి రెండు స్పూన్లు నెయ్యి వేసి ఎండు మిర్చి ముక్కలు , స్పూను మినపప్పు , ఆవాలు , జీలకర్ర , ఇంగువ , కరివేపాకు , పచ్చిమిర్చి ముక్కలు పోపు వేయించు కోవాలి .

ఒక గిన్నెలో కాల్చి పై తొక్క తీసిన వంకాయ వేసి , ఒక కప్పు పెరుగు వేసి , తగినంత ఉప్పు వేసి చేత్తో బాగా కలుపు కోవాలి .

ఆ తర్వాత సిద్ధం చేసుకున్న పోపు అందులో వేసుకొని బాగా కలిపి పైన కొత్తిమీర వేసుకోవాలి .

అంతే వంకాయ పెరుగు పచ్చడి సర్వింగ్ కు సిద్ధం.