బెండకాయ కాప్సికమ్ కొత్తిమీర కారం.

బెండకాయ కాప్సికమ్ కొత్తిమీర కారం.

ఆలూరి కృష్ణ ప్రసాద్

ప్రియమిత్రులందరికీ

ఈ రోజు మరో వెరైటీ కూర...

*****************************

కావలసినవి .

బెండ కాయలు లేతవి - 350 గ్రా

కాప్సికమ్ - 4 లేదా పావు కిలో

పచ్చిమిర్చి -- 8

కరివేపాకు - మూడు రెబ్బలు

కొత్తిమీర -- రెండు కట్టలు

అల్లం -- చిన్న ముక్క

నూనె - మూడు స్పూన్లు 

పసుపు -- తగినంత

పోపు వేయుటకు.

ఎండు మిర్చి - 4

మినపప్పు - ఒక స్పూను

ధనియాలు - ఒక స్పూను

జీలకర్ర - అర.స్పూను

ఆవాలు - అర స్పూను

ముందుగా బెండకాయలు, కాప్సికమ్ ముక్కలుగా తరిగి విడిగా వేరే ప్లేట్లలో పెట్టుకోవాలి .

కొత్తిమీర శుభ్రం చేసుకొని కొంచెం కట్ చేసుకోవాలి.

ఇప్పుడు మిక్సీలో పచ్చిమిర్చి ,

అల్లం ముక్క, కొత్తిమీర మరియు తగినంత ఉప్పువేసి కచ్చా పచ్చాగా వేసుకోవాలి.

ఆ తర్వాత స్టౌ మీద బాండి పెట్టి నూనె వేసి నూనె బాగా కాగాక

ఎండుమిర్చి , మినపప్పు , ధనియాలు , జీలకర్ర , ఆవాలు వేసి పోపు పెట్టుకోవాలి . ఆ తర్వాత 

కరివేపాకు కూడా వేయాలి .

ఇప్పుడు బెండకాయ ముక్కలు పసుపు వేసి అయిదు నిముషాల పాటు మగ్గాక, కాప్సికమ్ ముక్కలు వేసి మరో పది నిముషాలు మగ్గనివ్వాలి.

ఆ తర్వాత కొత్తిమీర అల్లం పచ్చిమిర్చి ముద్దను వేసి మరో మూడు నిముషాలు ఉంచి దింపేయాలి .

అంతే బెండకాయ కాప్సికమ్ కొత్తిమీర కారం కూర సర్వింగ్ కు రెడీ.