పూరిలోకి ఉల్లిపాయ కూర

పూరిలోకి ఉల్లిపాయ కూర

ఆలూరి కృష్ణ ప్రసాద్ 

నాలుగు  పెద్ద  ఉల్లిపాయలు   ముక్కలుగా  తరుగుకోవాలి.

స్టౌ మీద బాండీ  పెట్టి  నాలుగు స్పూన్లు   నూనె వేసి  నూనె  కాగగానే   పోపులో  మూడు  ఎండు మిర్చి   ముక్కలుగా  చేసి  వేసుకోవాలి . 

వరుసగా  రెండు స్పూన్లు  పచ్చి శనగపప్పు , స్పూను  మినపప్పు , పావు స్పూను  జీలకర్ర ,  అర స్పూను  ఆవాలు,  మూడు  పచ్చి మిరపకాయలు  ముక్కలు, రెండు  రెబ్బలు కరివేపాకు  దూసివేయాలి.  అందులో  ఉల్లిపాయల  ముక్కలు  , తగినంత  ఉప్పువేసి   ఉల్లిపాయలు  నల్ల బడకుండా  మగ్గనివ్వాలి.

ఉల్లిపాయలు  మగ్గాక  అరగ్లాసు నీళ్ళలో  రెండు  స్పూన్లు   శనగపిండి  వేసి  బాగా  కలిపి  , ఆ నీళ్ళు  కూరలో  పోసి  అయిదు  నిముషాలు  ఉడకనివ్వాలి .

కూర  అసలు  రుచి  తెలియాలంటే  ఇంక  కారం  అక్కరలేదు. ఉల్లిపాయల  తీపి  తెలుస్తుంది . పచ్చిమిర్చి  కారం చాలు .

కాదు  కారంగా  ఉండాలనుకుంటే  స్పూను  కారం వేసుకోండి . మేం  కారం  వేసుకోం. 

రెండు మూడు సార్లు  ఈ ఉల్లిపాయల  కూర పోస్టింగు   పెట్టాను .  మిమ్మల్ని   వెతుక్కోమంటే  బాగుండదని  మళ్ళీ  మీకు  చెప్పాను .