రాచ ఉసిరి కాయలతో పప్పు

రాచ ఉసిరి కాయలతో పప్పు

ఆలూరుకృష్ణప్రసాదు .

రాచ  ఉసిరి  కాయలతో  పప్పు .

కావలసినవి .

రాచ  ఉసిరి  కాయలు  --  200  గ్రా

కందిపప్పు   --  150  గ్రా

పచ్చి మిరపకాయలు  --  6

కరివేపాకు  --  నాలుగు   రెమ్మలు

పసుపు  --  కొద్దిగా 

ఉప్పు   ---  తగినంత 

కారం  ---   ఒకటిన్నర   స్పూను

పోపుకు .

నూనె  ---  మూడు  స్పూను 

ఎండుమిరపకాయలు  --- మూడు

ముక్కలుగా   చేసుకోవాలి .

మెంతులు  ---  పావు  స్పూను 

జీలకర్ర   --  పావు  స్పూను 

ఆవాలు  ---  అర  స్పూను

ఇంగువ  ---  కొద్దిగా

తయారీ  విధానము .

ముందుగా  ఒక  గిన్నెలో  కందిపప్పు   వేసుకుని   ఒకసారి  కడిగి  తగినన్ని   నీళ్ళు  పోసి  స్టౌ  మీద  పెట్టుకోవాలి  .

రాచ  ఉసిరి  కాయలు  కట్  చేసుకుని   లోపల  గింజ  తీసి  ముక్కలుగా   తరుగు కోవాలి .

పచ్చిమిర్చి   నిలువుగా   తరుగు  కోవాలి .

పప్పు  మూడొంతులు  ఉడకగానే రాచ ఉసిరి  ముక్కలు ,  పచ్చిమిర్చి , కరివేపాకు , కొద్దిగా  పసుపు  వేసి   పప్పును  పూర్తిగా   ఉడకనివ్వాలి  .

పప్పు  ఉడికాక  తగినంత  ఉప్పు  , ఒక  స్పూను  కారం  వేసి  మరో  మూడు  నిముషాలు   ఉంచి  దింపు కోవాలి .

తదుపరి  స్టౌ  మీద  పోపు  గరిటె  పెట్టి  నూనె  వేసి  నూనె  కాగగానే   ఎండుమిర్చి ,  మెంతులు , జీలకర్ర ,

ఆవాలు  , ఇంగువ  మరియు  కరివేపాకు   వేసి  పోపు  పెట్టుకుని  పప్పులో  కలుపుకుని  గరిటతో  బాగా  కలుపుకోవాలి .

వెల్లుల్లి   ఇష్టమైన  వారు  ఇంగువ  బదులు  ఒక  ఆరు  వెల్లుల్లి   రేకలు పోపులో  వేసుకోవచ్చు .

ఇదే  విధంగా  పెసరపప్పుతో  కూడా  చేసుకోవచ్చు .

అంతే  ఇంగువ   సువాసనతో  రాచ ఉసిరి  కాయలతో  పప్పు   సర్వింగ్

కు  సిద్ధం .