దోసకాయ ముక్కల పచ్చడి .

దోసకాయ ముక్కల పచ్చడి .

 ఆలూరి కృష్ణ ప్రసాద్ 

కావలసినవి .

పసుపు పచ్చగా బాగా గట్టిగా

ఉన్న దోసకాయ -- 1

పచ్చిమిరపకాయలు - 6

కొత్తిమీర కొంచెము ఎక్కువగా -

ఒక కట్ట .

చింతపండు -- నిమ్మకాయంత

పసుపు - కొద్దిగా 

ఉప్పు -- తగినంత

పోపు సామానుకు కావలసినవి .

నూనె -- నాలుగు స్పూన్లు 

ఎండు మిరపకాయలు -- 5 

 చాయమినపప్పు - ఒకటిన్నర స్పూను .

జీలకర్ర -- పావు స్పూను 

ఆవాలు -- అరస్పూను

మెంతులు --- పావు స్పూను

ఇంగువ -- కొద్దిగా

ముందుగా దోసకాయ పై చెక్కు తీసి చేదు ఉందో లేదో చూసుకుని సగం పైగా గింజలను తీసి వేసి సన్నగా ముక్కలు తరుగుకొని వేరే ప్లేటు లో ఉంచుకోవాలి .

దోస ముక్కల పై పసుపు వేసుకోవాలి.

పది నిముషాలు చింతపండు నాన బెట్టి చిక్కగా రసం తీసుకుని వేరే ఉంచుకోవాలి .

ఇప్పుడు స్టౌ వెలిగించి బాండి పెట్టి , రెండు స్పూన్లు నూనె వేసి ముందుగా ఎండుమిరపకాయలు , మెంతులు వేయించుకొని వేరే పెట్టుకోవాలి .

తర్వాత అదే బాండిలో మరో రెండు స్పూన్లు నూనె వేసి చాయమినపప్పు , జీలకర్ర , ఆవాలు , కరివేపాకు మరియు ఇంగువ వేసుకుని పోపు వేయించుకుని పక్కన ఉంచుకోవాలి.

ఇప్పుడు మిక్సీలో వేరేగా ఉంచుకున్న ఎండుమిరపకాయలు , మెంతులు

తగినంత ఉప్పు వేసి గ్రైండ్ చేసుకోవాలి .

తర్వాత పచ్చి మిర్చి ముక్కలు , చింతపండు రసం , దోసకాయ ముక్కలు వేసి ఒక్కసారి ముక్కలు నలిగి పోకుండా తిప్పుకోవాలి .

చివరగా కొత్తిమీర , మిగిలిన పోపు కూడా మరోసారి తిప్పు కోవాలి .

ముక్కలు ముక్కలుగా ఉంటేనే పచ్చడి చాలా రుచిగా ఉంటుంది .

అందుకని పేస్ట్ లా వేసుకోకండి .

చింతపండు బదులుగా ఇదే విధంగా కొత్త చింతకాయ తొక్కు కలిపితే పచ్చడి రుచి అద్భుతంగా ఉంటుంది .

ఈ పచ్చడి ప్రిజ్ లో ఉంచుకుంటే నాలుగు రోజులు ఫ్రెష్ గా ఉంటుంది.

విన్నపం ; --

మేం వెల్లుల్లి వాడం కాబట్టి నా రెసిపీ లన్నీ వెల్లుల్లి లేకుండానే ఉంటాయి .

వెల్లుల్లి ఇష్ట పడేవారు ఇంగువ బదులుగా వెల్లుల్లి వేసుకోవచ్చు .