పచ్చిపులుసు.

పచ్చిపులుసు.

 ఆలూరి కృష్ణ ప్రసాద్ 

కావలసినవి .

చింతపండు --- 50 గ్రా

పెద్ద ఉల్లిపాయలు -- రెండు

ఉప్పు తగినంత

బెల్లం -- 40 గ్రా

తరిగిన కొత్తిమీర సరిపడా

పోపు .

ఎండుమిరపకాయలు 5

జీలకర్ర -- అర స్పూను

కరివేపాకు - రెండు రెబ్బలు

తయారీ విధానము .

చింతపండు లో నీళ్ళు పోసి పది నిముషములు నాన బెట్టు కోవాలి.

రసం తీసుకొని వడ కట్టుకొని ఒక అర లీటరు ప్రమాణం వచ్చేలా అందులో నీళ్ళు కలుపు కోవాలి .

ఒక గిన్నెలోకి తీసుకోవాలి.

అందులో తగినంత ఉప్పు మరియు బెల్లం పొడి కలుపుకోవాలి .

ఉల్లిపాయలు సన్నని ముక్కలుగా తరిగి అందులో కలుపుకోవాలి.

సన్నగా తరిగిన కొత్తిమీర అందులో కలుపుకోవాలి.

స్టౌ మీద బాండి పెట్టి మూడు స్పూన్లు నూనె వేసి నూనె బాగా కాగగానే ఎండుమిరపకాయలు , జీలకర్ర వేసి వేగాక కరివేపాకు కూడా వేసి వేయించు కోవాలి .

తర్వాత మిక్సీలో ఈ వేగిన పోపు వేసి మెత్తగా పొడి చేసుకొని ఆ పొడి పచ్చి పులుసు లో వేసి గరిటతో బాగా కలుపుకోవాలి .

ఉల్లిపాయలు వేయించనక్కర లేదు .

పులుసు వెచ్చబెట్టే అవసరం లేదు .

ఇంక వేరే పోపు వేయనక్కర లేదు.

పచ్చి మిర్చి వేయనక్కర లేదు .

ఇంగువ వేసే అవసరం లేదు.

ఎంతో రుచిగా ఉండే పచ్చి పులుసు రెడీ .

మొన్న ఒకరింట్లో గట్టిగా ఉండి ఎర్రగా పండిన రెండు టమోటాలు చిన్న చిన్న ముక్కలుగా తరిగి ఈ ఉల్లిపాయల పచ్చి పులుసులోనే వేసి వడ్డించారు .

అలా కలిపినా చాలా బాగుంది .

కాంబినేషన్ మీరే చెప్పండి.

కంది పచ్చడా ?

కంది పొడా ?

కందిపచ్చడి మాదిరిగానే వేయించి చేసిన పచ్చి శనగఫప్పు ఫచ్చడా ?