చింత చిగురుతో కూర

చింత చిగురుతో కూర

 ఆలూరి కృష్ణ ప్రసాద్ 

చింత చిగురుతో కూర ఏ విధంగా చేసుకోవాలో మీకు ఈ రోజు తెలియ చేస్తాను .

చింత చిగురు ఉల్లిపాయ కూర .

కావలసినవి .

లేత చింత చిగురు --- 200 గ్రా.

పెద్ద ఉల్లిపాయలు --- 5

ఉప్పు --- తగినంత 

కారం --- ఒకటిన్నర స్పూను

పసుపు -- కొద్దిగా

పోపుకు.

ఎండుమిరపకాయలు -- 4 

 మినపప్పు -- ఒకటిన్నర స్పూను

పచ్చి శనగపప్పు -- ఒకటిన్నర స్పూను

జీలకర్ర -- పావు స్పూను 

ఆవాలు -- అర స్పూను 

కరివేపాకు -- కొద్దిగా 

నూనె -- 4 స్పూన్లు

తయారీ విధానము .

ముందుగా చింత చిగురు బాగా రెండు అర చేతుల్తో నలుపుకొని ఆకు విడిగా తీసుకోవాలి.

ఈనెలు పారేయండి .

తర్వాత ఉల్లిపాయలు పై పొట్టు తీసుకొని ముక్కలుగా తరుగు కోవాలి .

తర్వాత స్టౌ వెలిగించి బాండీ పెట్టి మొత్తము నూనె వేసి నూనె బాగా కాగగానే వరుసగా ఎండుమిర్చి ముక్కలు , పచ్చి శనగపప్పు , మినపప్పు , జీలకర్ర , ఆవాలు , కరివేపాకు , కొంచెం ఇంగువ వేసి పోపు వేగగానే తరిగిన ఉల్లిపాయ ముక్కలు , పసుపు , ఉప్పువేసి బాగా మగ్గ నివ్వాలి .

తర్వాత సిద్ధంగా ఉంచుకున్న చింత చిగురు , స్పూనున్నర కారం వేసి మరో అయిదు నిముషాలు బాగా మగ్గ నివ్వాలి .

ఆ తర్వాత దింపి వేరే గిన్నె లోకి తీసుకోవాలి .

ఈ కూర పుల్ల పుల్ల గా చింత చిగురు రుచితో , ఉల్లిపాయల కమ్మదనంతో చాలా రుచిగా ఉంటుంది .

ఈ కూర అన్నం లోకి మరియు రోటీల లోకి బాగుంటుంది .