బీరకాయ కూర.

బీరకాయ కూర.

ఆలూరి కృష్ణ ప్రసాద్

ఈ కూరకి లేత బీరకాయలే రుచిగా ఉంటాయి .

తయారీ విధానము .

నాలుగు లేత బీర కాయలు పై చెక్కు తీసుకొని , చేదు ఉందో లేదో చూసుకుని ముక్కలుగా తరుగు కోవాలి .

చాలా కొద్దిగా ఉప్పు వేసి ముక్కలు పిండుకోవాలి .

మరీ ఎక్కువ పిండ వద్దు .

పిండిన నీరు తీసేయండి.

ఇప్పుడు స్టౌ మీద బాండీ పెట్టి మూడు స్పూన్లు నూనె వేసి నూనె బాగా కాగగానే మూడు ఎండుమిరప కాయల ముక్కలు , స్పూనున్నర మినపప్పు , పావు స్పూను జీలకర్ర , పావు స్పూను ఆవాలు , కరివేపాకు వేసి పొపు వేగగానే పిండిన బీరకాయ ముక్కలు వేసి మూత పెట్టి మగ్గ నివ్వాలి .

ముక్కలు మగ్గగానే చాలా కొంచెం పావు స్పూను లో సగం ఉప్పు వేసి దింపుకోవాలి .

ఈ కూర మూడు ఏళ్ళ లోపు చిన్న పిల్లలకు , పధ్యం వారికి పెట్ట వచ్చు.

ఇలా కారం వేయకుండా ఇష్టపడే వాళ్ళకు కూడా రుచిగా ఉంటుంది .

ఈ కూరలో ఇంక కారం కాని , ఉల్లిపాయలు కాని , టమోటోలు కాని వేయనక్కరలేదు .

స్వతహాగా బీరకాయలో ఉన్న తీపితో కారం వేయం కనుక తియ్యగా ఉంటుంది.

అయితే ఈ కూర ఆటు రాదు .

అందరికీ రావాలంటే దింప బోయే ముందు ఒక చిప్ప పచ్చి కొబ్బరి తురుము వేసుకుంటే అందరికీ సరి పోతుంది.