పల్లీల పొడి .

పల్లీల పొడి .

ఆలూరి కృష్ణ ప్రసాద్

కావలసినవి .

పల్లీలు ముందు నూనె వేయకుండా బాండీలో వేయించి

చల్లారగానే పై పొట్టు తీసుకొని ఉంచు కోవాలి .

పల్లీలు -- ఒక కప్పు

ఎండు కొబ్బరి -- ఒక చిప్ప

ఎండు కొబ్బరి ఎండు కొబ్బరి కోరాముతో తురుము కోవాలి .

ఎండుమిరపకాయలు -- 15

జీలకర్ర -- ఒకటిన్నర స్పూను

ధనియాలు --- అయిదు స్పూన్లు .

తయారీ విధానము .

స్టౌ మీద బాండీ పెట్టి బాండీ బాగా వేడెక్కగానే , నూనె వేయకుండా ముందుగా ఎండుమిరపకాయలు , ధనియాలు , జీలకర్ర , ఎండుకొబ్బరి తురుము వేసి బాగా వేయించుకోవాలి .

తర్వాత అందులో వేయించిన పల్లీలు కూడా వేసి వేయించుకోవాలి .

చల్లారగానే ఈ మిశ్రమమంతా ఒకేసారి మిక్సీలో వేసి , తగినంత ఉప్పువేసి మెత్తగా గ్రైండ్ చేసుకోవాలి .

అంతే ఘమ ఘమ లాడే పల్లీల పొడి దోశెలలోకి మరియు అన్నం లోకి సిద్ధం.

వేడి వేడి అన్నంలో నెయ్యి వేసుకుని , ఈ పల్లీల పొడి వేసుకుని తింటే ఎంతో రుచిగా ఉంటుంది .

ఇందులో చింతపండు , బెల్లం వేయనక్కరలేదు .

వెల్లుల్లి ఇష్టమైన వారు ఓ పది వెల్లుల్లి రేకలు పొట్టు తీయకుండా ఆఖరున మిక్సీ లో వేసుకుని మరోసారి మిక్సీ వేసుకుంటే చాలా రుచిగా ఉంటుంది .

ఈ ఫోటో ఈ రోజు సాయంత్రం మా ఇంట్లో చేసిన పల్లీల పొడి కి సంబంధించినది .