నిమ్మకాయ పప్పు .

నిమ్మకాయ పప్పు .

ఆలూరి కృష్ణ ప్రసాద్

బ్రహ్మచారి వంటలు . - అంటే ఎక్కువ Process లేకుండా సులువుగా అయ్యే వంటలు .

ఉద్యోగాలు చేసుకుంటూ అరగంట లో వంట పూర్తి చేసుకొని duty కు పరుగులు పెట్టాల్సిన యువతీ యువకులు 90 శాతం మంది పైగా కుక్కర్ ను ఉపయోగిస్తున్నారు .

చాదస్తంగా ఇత్తడి గిన్నెలో చేసుకోవాలి , ఈ వస్తువు లేదు అనుకుంటే కుదరదు .

ఉన్న దాంట్లో గబగబా చేసుకుని ఉద్యోగాలకు పరిగెత్తాలి .

తయారీ విధానము .

ఒక కప్పు కందిపప్పు ఒకసారి కడిగి తగినన్ని నీళ్ళు పోసి అందు లో నాలుగు పచ్చిమిర్చి ముక్కలు గా తరిగి వేయండి .

కాస్త కరివేపాకు కూడా వేసుకోండి.

కొద్దిగా పసుపు వేయండి .

ఉప్పు వేయవద్దు .

కుక్కర్ మూడు విజిల్స్ రాగానే స్టౌ ఆపేయండి.

రెండు నిమ్మకాయలు కోసి రసం తీసి ఉడికిన పప్పులో వేయండి.

తగినంత ఉప్పు వేయండి .

స్టౌ మీద పోపు గరిటె పెట్టి రెండు స్పూన్లు నూనె వేసి రెండు ఎండుమిర్చి , జీలకర్ర , ఆవాలు , ఇంగువ వేసి పోపు వేసుకోండి .

గరిటతో బాగా కలుపుకోండి .

సులువుగా తయారయ్యే నిమ్మకాయ పప్పు సిద్ధం.

ఇదే పద్ధతిలో కందిపప్పు బదులుగా చాయపెసరపప్పు తో కూడా చేసుకోవచ్చు .

అలా కూడా చాలా బాగుంటుంది .