చింత చిగురుతో పులిహోర.

చింత చిగురుతో పులిహోర.

 ఆలూరి కృష్ణ ప్రసాద్ 

కావలసినవి .

చింత చిగురు -- పావు కిలో

నువ్వు పప్పు -- 50 గ్రాములు

పచ్చిమిర్చి -- పది నిలువుగా గాటు పెట్టు కోవాలి .

కరివేపాకు -- ఎనిమిది రెమ్మలు

ఎండుమిరపకాయలు -- ఎనిమిది .

పచ్చి శనగపప్పు --- పావు కప్పులో సగం. 

మినపప్పు -- పావు కప్పు లో సగం .

బియ్యము -- ఒక గ్లాసుడు .

నూనె --- 50 గ్రాములు .

పోపుకు .

ఎండుమిరపకాయలు -- 8

పచ్చి శనగపప్పు -- మూడు స్పూన్లు 

మినపప్పు -- రెండు స్పూన్లు 

ఆవాలు -- స్పూను 

పల్లీలు --- పులుసు గరిటెడు

ఇంగువ -- పావు స్పూను .

నూనె --- 50 గ్రాములు.

తయారీ విధానము .

ముందుగా గిన్నెలో గ్లాసుడు బియ్యము సరిపడా నీళ్ళు పోసి స్టౌ మీద పెట్టుకోవాలి .

అన్నం ఉడికే లోపున

చింత చిగురు ఈనెలు పుల్లలు లేకుండా బాగు చేసుకోవాలి .

తడి లేకుండా ఆర బెట్టు కోవాలి .

స్టౌ మీద బాండి పెట్టి ఓ 50 గ్రాముల నూనె వేసి , నూనె బాగా కాగగానే వరుసగా ఎండుమిరపకాయలు , పచ్చి శనగపప్పు , మినపప్పు , నువ్వుపప్పు వేసి బాగా వేయించుకోవాలి .

వేగుతున్నప్పుడే తగినంత ఉప్పు , చింత చిగురు , కరివేపాకు వేసి బాగా పొడిగా వేయించుకోవాలి .

చల్లారగానే ఈ మిశ్రమము మొత్తము మెత్తగా పౌడరు లా మిక్సీ వేసుకుని వేరే ప్లేటులో ఉంచుకోవాలి .

తర్వాత బేసిన్ లో ఉడికిన అన్నం , స్పూను పసుపు , కరివేపాకు , అర గరిటెడు నూనె , కొద్దిగా ఉప్పు మరియు ముందుగా సిద్ధం చేసుకున్న చింత చిగురు , నువ్వుల పొడి వేసి గరిటతో అన్నం అంతా పొడి పొడిగా కలుపు కోవాలి .

ఆ తర్వాత స్టౌ మీద బాండీ పెట్టి మిగిలిన నూనె అంతా పోసి వరుసగా ఎండుమిరపకాయలు , పచ్చి మిర్చి , పల్లీలు , శనగపప్పు , మినపప్పు , ఆవాలు , కరివేపాకు , ఇంగువ వేసి పోపు వేయించుకుని బేసిన్ లో వేసి బాగా కలుపు కోవాలి .

అంతే చింతపండు లేకుండా ఘమ ఘమ లాడే నువ్వుల పొడి , ఇంగువ సువాసనలతో నోరూరించే చింత చిగురు పులిహోర మీకు సర్వింగ్ కు సిద్ధం .