చింత చిగురు పొడి

చింత చిగురు పొడి .

ఆలూరి కృష్ణ ప్రసాద్

కావలసినవి .

చింతచిగురు --- 200 గ్రాములు

ఎండుమిరపకాయలు -- 15

ధనియాలు --- అరకప్పు

మినపప్పు -- పావు కప్పు 

ఉప్పు --- తగినంత 

నూనె -- అయిదు స్పూన్లు 

ఆవాలు జీలకర్ర చాలా కొంచెం

తయారీ విధానము.

ముందుగా చింతచిగురు చెత్తో బాగా నలిపి శుభ్రం చేసుకుని చిన్న పుల్లలు ఈనెలు తీసి వేయాలి .

స్టౌ మీద బాండీ పెట్టి మొత్తం నూనె వేసి నూనె బాగా కాగగానే ముందుగా ఎండుమిరపకాయలు , ధనియాలు , మినపప్పు ఆవాలు జీలకర్ర వేసి వేయించుకోవాలి .

తర్వాత నలిపి ఉంచిన చింత చిగురు కూడా వేసి వేయించుకోవాలి .

చల్లారగానే ఈ మిశ్రమాన్ని మిక్సీ లో వేసి తగినంత ఉప్పు వేసి మెత్తగా మిక్సీ వేసుకోవాలి .

కారప్పొడి కాబట్టి ఇష్టమైనవారు పొట్టు తీయని ఓ ఎనిమిది రేకలు వేసి మిక్సీ వేసుకోండి .

వెల్లుల్లి ఇష్ట పడని వారు వెల్లుల్లి లేకుండా చేసుకోవచ్చు .

ఈ చింత చిగురు పొడి లో చింతపండు వేయనక్కరలేదు.

ఇడ్లీ , దోశె మరియు అన్నం లోకి బాగుంటుంది .

ఈ రోజు ఉదయం భోజనము లోకి వెల్లుల్లి వేయకుండా మేము కొట్టుకున్న చింత చిగురు పొడి కి

సంబంధించిన ఫోటో .

పుల్ల పుల్ల గా నోటికి హితవుగా చాలా రుచిగా కుదిరింది .