పెసర పప్పుతో పప్పు చారు.

పెసర పప్పుతో పప్పు చారు.

 ఆలూరి కృష్ణ ప్రసాద్ 

కావలసినవి.

చాయపెసరపప్పు - 100 గ్రా

చింతపండు -- 30 గ్రా

పచ్చి మిర్చి -- 4

కరివేపాకు -- రెండు రెబ్బలు

పసుపు -- కొద్దిగా 

కొత్తిమీర -- ఒక కట్ట

పోపు కు కావలసినవి .

ఎండు మిర్చి -- రెండు

జీలకర్ర -- పావు స్పూను 

ఆవాలు -- అర స్పూను

ఇంగువ --- తగినంత 

మెంతులు -- కొద్దిగా

తయారీ విధానము .

కుక్కర్ లో ఒక గిన్నె లో పెసర పప్పు తగినన్ని నీళ్ళు పోసి మూడు విజిల్స్ వచ్చే వరకు ఉంచి మెత్తగా ఉడికించాలి .

చింతపండు పావు గంట సేపు నీళ్ళలో నాన బెట్టి రసం తీసుకోవాలి .

పప్పును గరిటెతో బాగా మెత్తగా యెనపాలి.

ఒక గిన్నెలో ఉడికిన పప్పు , చింతపండు రసం, తరిగిన పచ్చిమిర్చి , కరివేపాకు మరియు రెండు గ్లాసుల నీళ్ళు , పసుపు , తగినంత ఉప్పు వేసి బాగా తెర్ల నివ్వాలి.

ఒక అర స్పూను జీలకర్ర పొడి వేసుకోవాలి .

కాగిన తర్వాత గరిటెలో నూనె వేసి ఎండుమిర్చి , జీలకర్ర , ఆవాలు , మెంతులు , ఇంగువ వేసి పోపు పెట్టు కోవాలి.

పైన కొత్తిమీర తరిగి వేసుకోవాలి .

పప్పు చారు కనుక బెల్లం వేయ నవసరం లేదు.

వెల్లుల్లి ఎనిమిది రేకలు పై పొట్టు తీసి ఇంగువ బదులుగా పోపులో వేసుకున్నా రుచిగా ఉంటుంది .