బీరకాయ పెసర పప్పు పప్పు కూర.
ఆలూరి కృష్ణ ప్రసాద్
కావలసినవి.
లేత బీరకాయలు -- 5
చాయపెసరపప్పు -- 50 గ్రాములు .
పసుపు --- కొద్దిగా
ఉప్పు --- తగినంత
కారం --- స్పూను న్నర
పోపుకు కావలసినవి .
నూనె --- మూడు స్పూన్లు
ఎండు మిరపకాయలు -- మూడు
పొట్టు మినపప్పు -- స్పూను న్నర
జీలకర్ర -- పావు స్పూను
ఆవాలు -- అర స్పూను
ఇంగువ -- కొద్దిగా
కరివేపాకు --- మూడు రెబ్బలు.
తయారీ విధానము .
ముందుగా బీరకాయలు కడిగి
పై చెక్కు తీసుకొని మధ్యస్థంగా ముక్కలుగా తరుగు కోవాలి .
చాయపెసరపప్పు ఒకసారి కడుగు కోవాలి .
కుక్కర్ లో ఒక అరగ్లాసు నీళ్ళు పోసి తరిగిన బీరకాయ ముక్కలు మరియు పెసరపప్పు వేసి స్టౌ వెలిగించి కుక్కర్ ఒక విజిల్ రానిచ్చి దింపేయాలి .
ఉప్పు ముందు వేయకూడదు .
వేసినట్లయితే పెసర పప్పు ఉడకదు .
ఉడికిన తర్వాత నీళ్ళు ఎక్కువ ఉంటే వడకట్టండి .
కొద్దిగా ఉంటే ఉంచేయండి .
ఆ తర్వాత స్టౌ మీద బాండీ పెట్టి
నూనె వేసి నూనె బాగా కాగగానే వరుసగా ఎండు మిరప కాయ ముక్కలు , పొట్టు మినపప్పు , జీలకర్ర , ఆవాలు , ఇంగువ మరియు కరివేపాకు వేసి పోపు పెట్టుకుని ఉడికిని బీరకాయ పెసరపప్పు అందులో వేసి పసుపు , తగినంత ఉప్పువేసి ఒక అయిదు నిముషాలు మగ్గనివ్వాలి .
ఆ తర్వాత కారం వేసి మరో మూడు నిముషములు ఉంచి దించుకోవాలి .
అంతే ఘమ ఘమ లాడే ఇంగువ వాసనతో బీరకాయ పెసర పప్పు పప్పుకూర సర్వింగ్ కు సిద్ధం.
ఈ కూర పొడి పొడిగా ఉంటే బాగుంటుంది .
అన్నం లోకి మరియు చపాతీల లోకి కూడా ఈ కూర బాగుంటుంది .
0 comments:
Post a Comment