పొట్టు మినపప్పు తో పచ్చడి

పొట్టు  మినపప్పు తో  పచ్చడి .

ఆలూరి కృష్ణ ప్రసాద్ 

కావలసినవి.

పొట్టు మినపప్పు  --  150  గ్రాములు.

ఎండుమిరపకాయలు --  8 నుండి 12 

చింతపండు   --  30  గ్రాములు 

ఉప్పు  --  తగినంత 

బెల్లం   (  ఇష్టమైతే  )  --  చిన్న ముక్క 

పసుపు  --  కొద్దిగా 

ఇంగువ  --  కొద్దిగా 

కరివేపాకు  --  కొద్దిగా 

జీలకర్ర   --   పావు  స్పూను 

నూనె  --  మూడు  స్పూన్లు 

తుయారీ  విధానము .

ముందుగా  చింతపండు   విడదీసి  తడిపి  ఉంచుకోవాలి.

స్టౌ  మీద  బాండీ  పెట్టి  మూడు  స్పూన్లు   నూనె  వేసి  నూనె  బాగా  కాగగానే  పొట్టు మినపప్పు , ఎండుమిరపకాయలు , కరివేపాకు , జీలకర్ర  , ఇంగువ  వేసి  చివరగా  కొద్దిగా   పసుపు   వేసి దింపు కోవాలి.

చల్లారిన  పిదప   చింతపండు , ఉప్పు , బెల్లం, వేయించిన  పోపు  వేసి  తగినన్ని   నీళ్ళు  పోసుకుని  మరీ  మెత్తగా   కాకుండా  మిక్సీ  వేసుకోవాలి.

అంతే  మన  పెద్దలు   చేసిన  నేర్పిన  పొట్టు మినపప్పు   పచ్చడి   సర్వింగ్  కు  సిద్ధం.

ఈ పచ్చడి  ఫ్రిజ్  లో  ఉంచుకుంటే  వారం  రోజులు  నిల్వ  ఉంటుంది .