టమోటో పచ్చడి

టమోటో  పచ్చడి

ఆలూరి కృష్ణ ప్రసాద్

పదిహేను   రోజుల  వరకు  Fresh  గా  ఉండి  ఇడ్లీ  దోశె  మరియు అన్నం లోకి   ఉపయోగించే '  టమోటో  పచ్చడి '  .

కావలసినవి .

పండిన  గట్టిగా  ఉన్న  టమోటాలు 

----   అర కిలో  లేదా  ఆరు పెద్దవి .

చింతపండు  ---  50  గ్రాములు 

ఎండు కారం  --  మూడుస్పూన్లు 

పసుపు  --  కొద్దిగా 

ఉప్పు  --  తగినంత

నూనె  --  50  గ్రాములు

పోపుకు .

ఎండుమిరపకాయలు   పెద్దముక్కలుగా  చేసుకోవాలి  --  4

మెంతులు  --  అర  స్పూను

ఆవాలు  --  స్పూను

ఇంగువ  --  మామూలు  కన్నా   మరి కాస్త  ఎక్కువ   వేసుకోవాలి 

నూనె   --  50  గ్రాములు .

తయారి  విధానము .

ముందుగా   టమోటాలు  కడిగి  శుభ్రంగా  తుడుచుకుని   పెద్ద  ముక్కలుగా   తరుగు  కోవాలి .చింతపండు   శుభ్రం   చేసుకొని   తడుపు కోవాలి .

తర్వాత  స్టౌ  మీద  బాండీ  పెట్టి  ఒక  50  గ్రాముల  నూనె  వేసి  నూనె  బాగా  కాగనివ్వాలి . నూనె  కాగగానే   టమోటా  ముక్కలు వేయాలి . అట్లకాడతో  కదుపుతుండాలి.

తర్వాత   తడిపి  ఉంచుకున్న  చింతపండు , మూడు  స్పూన్లు  ఎండు కారం , కొద్దిగా  పసుపు , తగినంత  ఉప్పు  వేసి  బాగా  కదుపుతూ  అట్లకాడ తోనే  ముక్కల్ని  స్టౌ  మీదనే  మెత్తగా   చేస్తూ  మగ్గనివ్వాలి .

ఇంక  మిక్సీ  వేసే  అవసరం  లేదు. ముక్కలు  పులుపు , ఉప్పు  కారం  అన్నీ  పీల్చుకొని  మెత్తగా   అయి  పోతాయి . పచ్చడి  వేరే  Bowl  లోకి  తీసుకోవాలి .

ఇప్పుడు   స్టౌ  మీద  బాండీ  పెట్టి  50  గ్రాముల  నూనె  పోసి , నూనె బాగా  కాగగానే  ముందు   మెంతులు  వేసి  వేగాక  ఎండు మిర్చి , ఆవాలు , ఇంగువ   వేసి  వేడి  వేడి  పోపు  పచ్చడిలో  వేసి  పెద్ద  స్పూను తో బాగా  కలుపు కోవాలి .

ఆ తర్వాత  చిన్న  జాడీలో  పెట్టుకుంటే  తాజాగా  ఈ  టమోటో పచ్చడి  పదిహేను  రోజుల పాటు  నిల్వ ఉంటుంది .