బీరకాయ టమోటా పచ్చడి
ఆలూరు కృష్ణప్రసాదు .
కావలసినవి .
లేత బీరకాయలు -- మూడు
టమోటాలు --- మూడు
పచ్చిమిర్చి --- నాలుగు
కరివేపాకు --- మూడు రెబ్బలు
కొత్తిమీర --- ఒక కట్ట
తాలింపుకు .
ఎండు మిర్చి --- నాలుగు
మినపప్పు --- ఒక స్పూను
పచ్చి శనగపప్పు -- ఒక స్పూను
ఆవాలు --- అర స్పూను
జీలకర్ర --- అర స్పూను
పసుపు -- కొద్దిగా
ఇంగువ -- తగినంత
ఉప్పు -- తగినంత
ఉల్లిపాయలు --- రెండు.
( సన్నని ముక్కలుగా తరుగు కోవాలి )
ధనియాలు --- ఒక స్పూను .
నూనె --- అయిదు స్పూన్లు
చింతపండు -- కొద్దిగా
తయారు చేయు విధానము .
ముందుగా బీరకాయలు చెక్కు తీసి చిన్న ముక్కలుగా తరుగు కోవాలి.
టమోటాలు కూడా చిన్న ముక్కలుగా తరుగుకోవాలి.
ఇప్పుడు స్టౌ మీద బాండీ పెట్టి మూడు స్పూన్లు నూనె వేసి బీరకాయ ముక్కలు , టమోటా ముక్కలు , పచ్చి మిర్చి మరియు
పసుపు కొద్దిగా వేసి ముక్కలు మెత్తగా మగ్గనివ్వాలి.
తర్వాత స్టౌ మీద బాండీ పెట్టి రెండు స్పూన్లు నూనె వేసి ఎండు మిర్చి , శనగపప్పు , మినపప్పు , ధనియాలు , జీలకర్ర , ఆవాలు , ఇంగువ , కరివేపాకు వేసి పోపు వేయించుకోవాలి.
పోపు చల్లారాక.
ఎండు మిర్చి , కొద్దిగా చింతపండు , ఉప్పు కలిపి మిక్సీ వేయాలి .
తదుపరి మిగిలిన పోపు వేసి ఒకసారి మిక్సీ వేసుకోవాలి.
తర్వాత మగ్గిన బీరకాయ ముక్కలు , టమోటా ముక్కలు మరియు కొత్తిమీర వేసి మరీ పేస్టులా కాకుండా మిక్సీ వేసుకుని వేరే Bowl లోకి తీసుకోవాలి.
అంతే బీరకాయ టమోటా పచ్చడి అన్నం లోకి మరియు చపాతీల లోకి సర్వింగ్ కు రెడీ.
Optional .
*********
మీకు పచ్చి ఉల్లిపాయలు ఇష్టమైతే సన్నగా తరిగిన ఉల్లిపాయ ముక్కలు పచ్చడిలో కలుపుకోండి.
లేదా మానేయవచ్చు .
0 comments:
Post a Comment