కొబ్బరి పచ్చడి

కొబ్బరి పచ్చడి .

కావలసినవి .

కొబ్బరి కాయ  -  1  కాయను  పగుల గొట్టి  రెండు  చిప్పలు  పచ్చి  కొబ్బరి  కోరాముతో  తురుము కోవలెను .

ఎండుమిరపకాయలు  --  8
పచ్చిమిరపకాయలు  --   5
చింతపండు   --  ఉసిరి కాయంత .  విడదీసుకుని  నీటితో  తడిపి  ఉంచుకోవలెను.
పసుపు  --  కొద్దిగా
ఉప్పు  --  తగినంత
బెల్లం  --  చిన్న  ముక్క  ఇష్టం  లేని వారు  మానేయ వచ్చును .

పోపునకు  -- 

నూనె  --   మూడు స్పూన్లు
మినపప్పు  --  స్పూను
మెంతులు  --  పావు  స్పూను
ఆవాలు  --  అర స్పూను 
ఇంగువ  --  కొద్దిగా .

తయారీ   విధానము .

కొబ్బరి   కోరాముతో  కోరుకుని  సిద్ధంగా   ఉంచుకోవాలి .

దాని పైన  కొద్దిగా  పసుపు  వేయండి .

ఇప్పుడు  స్టౌ మీద బాండీ పెట్టి  మూడు స్పూన్లు   నూనె వేసి  నూనె  బాగా కాగగానే   వరుసగా  ఎండుమిరపకాయలు , మెంతులు , మినపప్పు , ఆవాలు , ఇంగువ  వేసి  పోపు  వేగగానే  తొడిమలు  తీసిన  పచ్చిమిర్చి  కూడా వేసి  ఒక  నిముషం  ఉంచి   దింపుకోవాలి .

ఇప్పుడు  మిక్సీ లో  ఎండుమిర్చి ,  పచ్చిమిర్చి  , తడిపిన చింతపండు  , చిన్న బెల్లం  ముక్క మరియు తగినంత  ఉప్పు వేసి  మెత్తగా మిక్సీ   వేసుకోవాలి .

తర్వాత  పచ్చి  కొబ్బరి తురుము   వేసుకుని   మెత్తగా  మిక్సీ  వేసుకోవాలి .

చివరగా  పోపు కూడా  పచ్చడిలో  వేసుకుని   పోపు  మరీ  నలగకుండా  ఒకసారి  మిక్సీ  వేసుకుని  తర్వాత  వేరే  గిన్నెలో కి  తీసుకోవాలి .

అంతే  ఎంతో  రుచిగా  ఉండే  కొబ్బరి  పచ్చడి  భోజనము   లోకే  కాకుండా  దోశెలు , పూరీలు  మరియు  చపాతీలలోకి  కూడా  చాలా బాగుంటుంది .