చేగోడీలు

ఆలూరుకృష్ణప్రసాదు .

చేగోడీలు.

కావలసినవి .

బియ్యపు పిండి  ---  మూడు కప్పులు.
పచ్చిశనగపప్పు  ---  ఒక కప్పు
కారం  ---  ఒక స్పూను.
ఉప్పు  --  తగినంత
వెన్న  --  నిమ్మకాయంత
నీళ్ళు  --  మూడుకప్పులు
నూనె  --  పావు కిలో

తయారీ  విధానము .

ముందుగా  పచ్చిశనగపప్పు    తగినన్ని  నీళ్ళు పోసి రెండు గంటలు నాన బెట్టుకుని  తర్వాత  నీళ్ళు వడకట్టుకుని  ఒక పళ్ళెంలో వేసుకోవాలి .

తర్వాత స్టౌ వెలిగించి గిన్నెలో ఒక  మూడు కప్పులు నీళ్ళు పోసి నీళ్ళు బాగా  తెర్లుతున్నప్పుడు అందులో  వెన్న, కారం , తగినంత  ఉప్పు  మరియు  బియ్యపు పిండి వేసి గరిటతో  బాగా కలపాలి .

పిండి  చల్లారగానే  చేతులకు  నూనె రాసుకుని పీట పై  ముద్దను వేసి  బాగా మెదిపి ముద్దను  పొడవుగా  చేసి వాటికి  శనగపప్పు  అద్ది  చిన్న చిన్న రౌండ్లుగా  తయారు చేసుకోవాలి.

అన్నీ  చేగోడీలు  తయారు  చేసుకోవాలి .

ఇప్పుడు స్టౌ మీద  బాండి పెట్టి   మొత్తము నూనె  పోసి  నూనె  బాగా కాగగానే  ఎడెనిమిది  చేగోడీల చొప్పున  నూనె లో వేసి  బంగారు  రంగులో  వేయించు కోవాలి .

అంతే  ఈ  వానాకాలంలో  వేడి వేడి  చేగోడీలు  మధ్యాహ్నము  వేళ అల్పాహారమునకు సిద్ధం.