దొండకాయ ముక్కల ఊరగాయ

ఆలూరుకృష్ణప్రసాదు .

దొండకాయ  ముక్కల  ఊరగాయ .

కావలసినవి .

దొండకాయలు --  15  కాయలు పచ్చిగా ఉండాలి . పండకూడదు.
నిమ్మకాయలు  -- 4 కాయలు మధ్యకు కోసి  ఒక గిన్నెలో  రసం తీసుకోవాలి .
కారం --  మూడు స్పూన్లు .
మెంతిపొడి  ---  స్పూను
ఉప్పు  ---  తగినంత .
పసుపు   ---  కొద్దిగా

పోపునకు .

నూనె  ---  మూడు స్పూన్లు
ఎండుమిరపకాయలు  --3  చిన్న ముక్కలుగా  చేసుకోవాలి.
ఆవాలు --- స్పూను
ఇంగువ  ---  కొద్దిగా

తయారీ  విధానము .

ఒక గిన్నెలో  తరిగిన  దొండకాయ ముక్కలు , నిమ్మరసం , కొంచెం  పసుపు,  కారం , మెంతిపొడి మరియు తగినంత  ఉప్పు వేసి స్పూను తో  బాగా  కలుపుకోవాలి .

స్టౌ  మీద బాండి  పెట్టి  మూడు స్పూన్లు  నూనె వేసి  నూనె బాగా కాగగానే  ఎండుమిర్చి ముక్కలు , ఆవాలు మరియు ఇంగువ  వేసి  పోపు  వేగగానే  ముక్కల పచ్చడిలో వేసి  బాగా కలుపు కుని  రెండు గంటల సేపు  మూత పెట్టి ఉంచాలి .

దొండకాయ ముక్కలు  నిమ్మరసం లో  బాగా ఊరతాయి .

తర్వాత  సర్వ్ చేసుకోవాలి .
అంతే  ఎంతో  రుచిగా  ఉండే  దొండకాయ ముక్కల  ఊరగాయ  దోశెలు  మరియు భోజనము  లోకి  సర్వింగ్ కు సిద్ధం.