దొండకాయ కొత్తిమీర కారం

ఆలూరుకృష్ణప్రసాదు .

దొండకాయ  కొత్తిమీర   కారం .

కావలసినవి.

దొండకాయలు  ---  అర కిలో
పచ్చిమిరపకాయలు  --  15
కొత్తిమీర   ---  రెండు కట్టలు
ఉప్పు  ---  తగినంత
నూనె  ---  100  గ్రాములు

తయారీ  విధానము .

మీకు  కూర  కొంచెం   వేగినట్లుగా  కావాలనుకుంటే    బాండీ  లో   చేసుకోండి .

మీకు  మెత్తగా   కావాలనుకుంటే  గిన్నెలో  చేసుకోవాలి. 

ఈ  కూర  కాయల  పళంగా  అయినా చేసుకోవచ్చు .

కానీ  వేసవి కాలంలో  బుల్లి  బుల్లి  లేత  దొండ కాయలు  మార్కెట్  లో  దొరకవు .

దొరికే  పక్షంలో  ఇదే  మిశ్రమాన్ని  దొండకాయలు  నాలుగు  పక్షాలుగా  చేసుకుని   అందులో  కూరుకుని  గిన్నెలో  చేసుకోవచ్చు .

ముందుగా  దొండకాయలను  చిన్న  ముక్కలుగా  తరుగు కోవాలి .

కొత్తిమీర   కడిగి  శుభ్రం  చేసుకోవాలి .

ఇప్పుడు  మిక్సీ  లో  కొత్తిమీర, పచ్చిమిరపకాయలు   మరియు తగినంత  ఉప్పువేసి
కొంచెం  కచ్చా పచ్చాగా  మిక్సీ   వేసుకోవాలి .

ఇప్పుడు  స్టౌ  మీద   గిన్నె  పెట్టి  గిన్నెలో  మొత్తం   నూనె  పోసి ,  నూనె  బాగా కాగగానే   దొండకాయ  ముక్కలు  వేసి , పైన  నీళ్ళ గిన్నె  మూత పెట్టి  ముక్కలు  బాగా  మగ్గ  నివ్వాలి .

మధ్య   మధ్యలో   మూత  తీసి  అట్లకాడతో ముక్కలను   కదుపుతూ  ఉండాలి .

మూడు వంతులు  ముక్కలు  మగ్గ గానే  మిక్సీ   వేసుకున్న  కొత్తిమీర   కారం వేసుకుని   మళ్ళీ  మూత  పెట్టి  ముక్కలు , మిశ్రమం  కలిసేలా  పూర్తిగా   మగ్గనిచ్చి  దింపు కోవాలి .

తర్వాత  వేరే  Bowl  లోకి  తీసుకోవాలి .

అంతే  కొత్తిమీర   సువాసనతో  ఘమ  ఘమ  లాడే  దొండకాయ  కొత్తిమీర   కారం  కూర  సర్వింగ్   కు  సిద్ధం .