పచ్చి టమోటాల పచ్చడి

ఆలూరుకృష్ణప్రసాదు .

కొంచెం  వెరైటీగా పచ్చి టమోటో లతో పచ్చడి.

కావలసినవి .
 
పచ్చి టమోటో లు  -- 5
పచ్చి మిరపకాయలు  -- 8
కొత్తిమీర  -- ఒక  కట్ట
ఉప్పు  --  తగినంత
పసుపు  --  కొద్దిగా
చింతపండు  --  నిమ్మకాయంత.
పదిహేను నిముషముల క్రితం  నీళ్ళల్లో నాన పెట్టుకుని  చిక్కగా  రసం తీసుకోవాలి .

పోపునకు .

నూనె  -- నాలుగు  స్పూన్లు .
ఎండుమిరపకాయలు  --  5
మినపప్పు  -- స్పూను
మెంతులు  --  పావు స్పూను .
ఆవాలు --  అర స్పూను .
ఇంగువ  --  కొద్దిగా
కరివేపాకు  --  మూడు రెమ్మలు .

తయారీ  విధానము .

ముందుగా  స్టౌ మీద బాండీ పెట్టి  రెండు స్పూన్లు  నూనె  వేసి  పచ్చి టమోటో లు కాయల  పళంగా  నూనెలో  వేయాలి .

అందులో  పచ్చిమిరపకాయలు , పసుపు , ఉప్పు  మరియు చింతపండు  రసము కూడా వేసి  మగ్గ నివ్వాలి .

అవి వేరే ప్లేటులో తీసుకోవాలి .

తర్వాత  తిరిగి  స్టౌ మీద బాండీ  పెట్టి  మిగిలిన  నూనె వేసుకుని  నూనె బాగా కాగగానే  ఎండుమిరపకాయలు , మెంతులు , మినపప్పు , ఆవాలు , ఇంగువ మరియు కరివేపాకు  వేసి  పోపు వేయించుకోవాలి .

పోపు చల్లారగానే మిక్సీ లో  ముందుగా  ఎండుమిరపకాయలు పోపుతో సహా వేసి  మెత్తగా  మిక్సీ వేసుకోవాలి.

తర్వాత  వేయించిన పచ్చిమిరపకాయలు  కూడా వేసి  మెత్తగా  మిక్సీ  వేసుకోవాలి .

చివరగా  మగ్గిన టమోటోలు మరియు  కొత్తిమీర  కూడా  వేసుకుని    మరీ మెత్తగా  కాకుండా  కచ్చా పచ్చాగా ఒకసారి మిక్సీ  వేసుకుని వేరే గిన్నె లోకి  తీసుకోవాలి .

అంతే ఎంతో రుచిగా  ఉండే  పచ్చి టమోటో   పచ్చడి   దోశెలు  , చపాతీలు  మరియు  భోజనము  లోకి సర్వింగ్  కు సిద్ధం.