వెజిటబుల్ కూర్మా

ఆలూరుకృష్ణప్రసాదు .

పూరీలు  /  చపాతీలు  /  మరియు   రోటీల లోకి  వెజిటబుల్  కూర్మా .

కావలసినవి.

బంగాళా  దుంపలు  --  రెండు
క్యారెట్  -- మూడు
టమోటోలు  --  రెండు
బీన్స్  --  150 గ్రాములు.

ఈ కూరలన్నీ  ముక్కలుగా చేసుకోవాలి.

క్యారెట్  , బీన్స్ మరియు  బంగాళాదుంపలు  వేరే  గిన్నెలలో  సరిపడా  నీళ్ళు పోసి   కుక్కర్ లో  పెట్టుకుని  మూడు విజిల్స్ రానిచ్చి  దింపుకోవాలి.

బంగాళాదుంపలు  ముక్కలు  చేసి ఉడికిన  తర్వాత  పై  తొక్కు తీసుకోవాలి .

ఇవ్వన్నీ  విడిగా వేరే ప్లేటులో  ఉంచుకోవాలి .

కూర్మా  కూర  గ్రేవీ కు.

ఎండుమిరపకాయలు  --  4
టమోటోలు  -- రెండు
ధనియాలు --  స్పూను
దాల్చిన  చెక్క -- చిన్న ముక్క
పచ్చి కొబ్బరి  తురుము --  మూడు  స్పూన్లు .
జీడిపప్పు  --  6
పచ్చి బఠాణీలు  --  పావు కప్పు

కావలసిన మిగిలిన  వస్తువులు.

కరివేపాకు  --  మూడు రెమ్మలు
కొత్తిమీర   --  చిన్న కట్ట
పసుపు  --  కొద్దిగా
ఉప్పు  -- తగినంత
నూనె  --  నాలుగు  స్పూన్లు

తయారీ విధానము .

ముందుగా స్టౌ మీద బాండీ  పెట్టి  రెండు స్పూన్లు  నూనె వేసి నూనె బాగా కాగగానే  ఎండుమిరపకాయలు , ధనియాలు , దాల్చిన  చెక్క ,  జీడిపప్పు  వేసి  వేయించుకుని అందులో  టమోటో  ముక్కలు  మరియు పచ్చి కొబ్బరి  తురుము కూడా వేసి  కాసేపు ఉంచి  చల్లారగానే   మిక్సీలో  కొద్దిగా  నీళ్ళు పోసి  ముద్దగా  వేసుకోవాలి .

తర్వాత  మళ్ళీ స్టౌ మీద  బాండీ పెట్టి  రెండు స్పూన్లు  నూనె వేసి  నూనె బాగా కాగగానే  జీలకర్ర  పచ్చి బఠాణీలు , టమోటో ముక్కలు కరివేపాకు  వేసి అందులో ఉడికించిన  ముక్కలు ,  కొద్దిగా  పసుపు మరియు  తగినంత ఉప్పు వేసి  మూత పెట్టి ముక్కలను మగ్గనివ్వాలి .

తర్వాత  అందులో  సిద్ధం చేసుకున్న ముద్దను వేసి కొద్దిగా   నీళ్ళు పోసి  గ్రేవి  మొత్తము  ముక్కలకు పట్టే విధముగా  మగ్గ నివ్వాలి .

తర్వాత  కొత్తిమీర  కూడా 
వేసుకుని వేరే  గిన్నెలోకి  తీసుకోవాలి .

అంతే  పూరీ , చపాతీ లు మరియు రోటీల లోకి ఎంతో రుచిగా  ఉండే  కూర్మా కూర సర్వింగ్  కు సిద్ధం.