కంద అట్టు

భోజనము లోకి  ఆదరువుగా
కంద అట్టు.

తయారీ విధానము .

ఒక అర కిలో  కంద పై చెక్కు  తీసి ముక్కలుగా  తరుగుకోండి .

ఒక పావు కప్పు చాయపెసరపప్పు  రెండుగంటలు  నానబెట్టుకోండి .

మూడు పెద్ద ఉల్లిపాయలు ముక్కలుగా  తరుకోండి .

తర్వాత  నీళ్ళు  వడగట్టి  చాయపెసరపప్పు , తరిగిన  కంద ముక్కలు , తరిగిన ఉల్లిపాయల ముక్కలు , అర స్పూను  జీలకర్ర , స్పూనున్నర  కారం , తగినంత  ఉప్పు వేసి  పెసరట్లు కు  ఎలా  మిక్సీ  వేసుకుంటామో  అలా  మిక్సీ  వేసుకోండి .

తర్వాత  ఆ పిండిని ఒక గిన్నెలోకి తీసుకుని  మూడు స్పూన్లు  బియ్యపు పిండి  కలుపుకుని  అవసరమయితే  కొద్ది నీళ్ళు పోసుకుని  పెనం మీద అట్లు లాగా పోసుకొని నూనె  రెండు స్పూన్లు  వేసుకుని  రెండు వైపులా  కాల్చుకోండి  .

ఇవి  వేడి వేడి అన్నంలో నెయ్యి వేసుకుని  తింటే  చాలా రుచిగా ఉంటుంది .