ఆనపకాయ పల్లీ పొడి కూర

ఆలూరుకృష్ణప్రసాదు .

ఆనపకాయ పల్లీ పొడి కూర .

కావలసినవి .

లేత ఆనపకాయ ముక్క --
షుమారు  400  గ్రాములు

పల్లీలు  --  100 గ్రాములు .

షాపుల్లో  వేయించిన  పల్లీ  గింజలు  విడిగా  అమ్ముతారు .

ఆ పల్లీలు  తెచ్చుకుని  పై పొట్టు తీసేసుకోవాలి .

ఎండుమిరపకాయలు  - 8 

జీలకర్ర  -- స్పూను

ఉప్పు  -- తగినంత

పోపునకు .

నూనె   -- నాలుగు  స్పూన్లు

ఎండుమిరపకాయలు  - 3 
ముక్కలుగా  చేసుకోవాలి .

చాయమినపప్పు  -  స్పూను

ఆవాలు -- స్పూను

కరివేపాకు  -  మూడు రెమ్మలు .

తయారీ విధానము .

ముందుగా  సొరకాయ పై చెక్కు  తీసి దోసకాయ పచ్చడికి  ముక్కలు  తరిగినట్లుగా  తరుగు కోవాలి .

ముక్కలను  ఒక గిన్నెలో  వేసి  మునిగే వరకు నీరు పోసి  కొద్దిగా ఉప్పువేసి స్టౌ మీద  పెట్టి  ముక్కలను మెత్తగా  ఉడికించి   నీరు వడకట్టు కోవాలి .

వేరే  ప్లేటులోకి  తీసుకోవాలి .

స్టౌ మీద బాండీ పెట్టి నూనె వేయకుండా  పొట్టు  తీసిన పల్లీలు , ఎండుమిరపకాయలు , జీలకర్ర  మీడియం  సెగన వేయించుకోవాలి .

చల్లారగానే మిక్సీ లో వేసుకుని  అందులో  తగినంత  ఉప్పువేసి  మెత్తని  పొడిగా  చేసుకోవాలి .

ఇప్పుడు  స్టౌ మీద బాండీ పెట్టి  మొత్తము  నూనె వేసుకుని  నూనె బాగా కాగగానే  వరుసగా  ఎండుమిర్చి  ముక్కలు , చాయమినపప్పు ,  ఆవాలు  మరియు కరివేపాకు  వేసి పోపు వేయించుకోవాలి .

పోపు వేగగానే ఉడికించి సిద్ధంగా  ఉంచుకున్న  సొరకాయ ముక్కలను పోపులో వేసి  మూత పెట్టి మీడియం సెగలో అయిదు నిముషాలు  మగ్గపెట్టాలి .

కూర దింపబోయే  మూడు నిముషాల ముందు  పల్లీ పొడి వేసి అట్లకాడతో  బాగా కలుపుకుని , విడిగా  ఒక గిన్నెలోకి తీసుకోవాలి .

అంతే . ఎంతో రుచిగా  ఉండే  ఆనపకాయ పల్లీ పొడితో కూర  చపాతీల లోకి మరియు భోజనము లోకి సిద్ధం.

సంబంధించిన  రెసిపీ  మరియు ఫోటో  నాస్వంతం.