పెసర పప్పు పచ్చడి

పెసర పప్పు పచ్చడి.
( కొద్ది మార్పులతో  )

చాయపెసరపప్పు  -- 100  గ్రాములు.
పచ్చిమిరపకాయలు  --  6
ఎండుమిరపకాయలు  --  2
జీలకర్ర  --  అర స్పూను
ఇంగువ  --  కొద్దిగా
ఉప్పు  --  తగినంత
నిమ్మకాయ  -- ఒకటి .
కట్ చేసుకుని  రసము తీసుకోవాలి .
కొత్తిమీర  --  చిన్న కట్ట

పోపుకు.

నెయ్యి  --  రెండు  స్పూన్లు
ఎండుమిరపకాయలు  --  రెండు 
చాయమినపప్పు --  స్పూను
ఆవాలు  --  అర స్పూను.
కరివేపాకు  --  రెండు రెమ్మలు.

తయారీ విధానము .

ముందుగా  చాయపెసరపప్పును  ఒక గిన్నెలో  వేసుకుని  తగినన్ని  నీళ్ళు  పోసి   రెండు గంటల సేపు  నానబెట్టాలి.

తర్వాత  నీరును  వడకట్టు కోవాలి .

తర్వాత  నానబెట్టిన  చాయపెసరపప్పు ,  జీలకర్ర , పచ్చిమిర్చి , ఎండుమిర్చి , పచ్చి ఇంగువ , తరిగిన  కొత్తిమీర  వేసి , తగినన్ని  నీరు  పోసుకుని   మరీ  మెత్తగా  కాకుండా  మిక్సీ  వేసుకోవాలి .

తర్వాత  పచ్చడిని  ఒక గిన్నెలోకి  తీసుకుని  నిమ్మరసం  వేసుకుని  స్పూనుతో బాగా కలుపు కోవాలి .

ఇప్పుడు  స్టౌ మీద పోపు గరిటె  పెట్టుకుని  రెండు స్పూన్లు  నెయ్యి వేసుకుని రెండు  ఎండుమిర్చి  ముక్కలు చేసుకుని , చాయ మినపప్పు  ,ఆవాలు  మరియు  కరివేపాకు  వేసుకుని  పోపు వేసుకుని  పచ్చడిలో  వేసుకుని,   స్పూను తో   బాగా కలుపుకోవాలి .

అంతే ఎంతో రుచిగా  ఉండే  పెసరపప్పు  పచ్చడి  సర్వింగ్  కు సిద్ధం.