పాలకూర పెసర పప్పు .

పాలకూర పెసర పప్పు .

 ఆలూరి కృష్ణ ప్రసాద్ 

కావలసిన పదార్ధములు ----

చాయ పెసర పప్పు -- 100 గ్రాములు.

పాలకూర --- పెద్ద కట్ట ఒకటి

పచ్చి మిరపకాయలు --- 6

పసుపు --- కొద్దిగా

కరివేపాకు --- తగినంత

ఇంగువ --- తగినంత .

పోపుకు కావలసినవి ----

ఎండు మిరపకాయలు -- రెండు

ఆవాలు -- తగినన్ని

జీలకర్ర ---- కొద్దిగా

తయారు చేయు విధానము .

ముందు పాలకూర శుభ్రంగా కడిగి సన్నగా తరిగి ఉంచుకోండి.

స్టౌ వెలిగించి చాయ పెసర పప్పు 

శుభ్రంగా నీళ్ళు పోసి కడుక్కుని తగినంత నీరు పోసి మధ్యస్ధమైన

మంట మీద పప్పు పొంగ కుండా చూసుకుంటూ మూడు వంతులు ఉడికాక అందులో తరిగిన పాలకూర , తరిగిన పచ్చి మిరపకాయలు , కరివేపాకు , కొద్దిగా పసుపు, ముఖ్యంగా పచ్చి

ఇంగువ వేసి మెత్తగా ఉడికాక

గరిటతో కలిపి పైన చెప్పిన వాటితో తగినంత నూనె వేసి పోపు పెట్టుకొనండి .

పోపులో ఇష్టమైన వారు చాయ మినపప్పు వేసుకోండి.

పైన కొత్తిమీర ఇష్టమైన వారు వేసుకోండి.

మెంతులు పోపులో వేయనవసరము లేదు.

అంతే కమ్మని ఇంగువ వాసనతో

సాంప్రదాయిక మైన పాలకూర పెసర పప్పు అన్నంలోకి మరియు

రోటీల లోకి సిద్ధం.