మామిడి కాయ తురుము పచ్చడి .
ఆలూరి కృష్ణ ప్రసాద్
కావలసినవి.
మామిడి కాయ -- 1
ఎండు మిరపకాయలు - 8
మెంతులు --- ఒక స్పూను
ఆవాలు -- ఒక స్పూను
ఇంగువ -- కొద్దిగా
పసుపు -- కొద్దిగా
ఉప్పు -- తగినంత
నూనె -- తగినంత
తయారు చేయు విధానము .
మామిడి కాయ పై చెక్కు తీసి ఎండు కొబ్బరి కోరము తో తురుము కోవాలి.
స్టౌ మీద బాండీ పెట్టి నూనె వేసి నూనె బాగా కాగాక ఎండు మిర్చి , మెంతులు , ఆవాలు , ఇంగువ , వేసి పోపు వేయించుకోవాలి .
ఈ పోపు మిక్సీలో వేసి తగినంత ఉప్పు మరియు పసుపు వేసి మెత్తగా వేసుకోవాలి .
ఆ తర్వాత ఆ మిశ్రమాన్ని గిన్నెలో తీసుకొని తురిమిన మామిడి కాయ కోరును అందులో వేసి బాగా కలపాలి.
ఆ తర్వాత మరో మూడు స్పూన్లు నూనె బాండీలో వేసి నూనె కాగాక ఆవాలు , ఇంగువ వేసి పైన మళ్ళీ పోపు వేసుకోవాలి .
అంతే నోరూరించే మామిడి కాయ తురుము పచ్చడి భోజనము లోకి సిద్ధం.
0 comments:
Post a Comment