ఆరోగ్యానికి మునగ
ఆలూరు కృష్ణప్రసాదు .
మునగ ఆకు మరియు మునగ కాడలు ఆహారంలో ఉపయోగించడం వలన లభించే ఆరోగ్య పరమైన ఉపయోగాలు ఎన్నో ? ఎన్నెన్నో ?
మీరే చదవండి.
మునగ ఆకు ఈ ఆషాఢ మాసంలో లేతగా చిగురులు వస్తూ ఉంది . బాగా దొరుకుతోంది .
ఆరోగ్య పరంగా ఎంతో మేలు చేసే ఈ మునగాకు గ్రీష్మ ఋతువు నుండి వర్ష ఋతువు కు మారుతున్న ఈ సమయంలో పప్పు గాను , పప్పు కూర గాను లేక ఆకు కూర పులుసు గాను ఆహారం లోకి ఏదో విధంగా తీసుకున్న యెడల చాలా వరకు అనారోగ్య సమస్యలనుండి కాపాడుకోగలుగుతాము .
అదే విధంగా మునగ కాడలు మనకు దాదాపుగా సంవత్సరం అంతా లభిస్తూనే ఉంటాయి .
ఈ మునగ కాడలను తరుచుగా అనగా వారానికి రెండుసార్లు ఆహారంలో కూర గా కాని , పులుసు లో కాని , పప్పులుసు లో గాని లేదా సాంబారు లో కాని తీసుకున్న యెడల అనేక అనారోగ్య సమస్యలను దూరం చేసుకోవచ్చు .
జలుబు మరియు దగ్గులు రాకుండా , నరములకు సంబంధించిన సమస్యలకు , ఎముకలు థృఢంగా ఉండటానికి , ఆడవారు గర్భవతి యైన సమయంలో మరియు పిల్లలకు పాలు ఇచ్చే సమయంలో వచ్చే సమస్యలను , శారీరక రుగ్మతలను , అజీర్తి సమస్యలను, ఊపిరితిత్తుల కు సంబంధించిన సమస్యలను ,ఐరన్ లోపము ఉన్న వారికి బ్రహ్మాండమైన ఔషధముగా , చర్మమునకు మెరుగైన కాంతి కొరకు , సంసారిక బలహీనతల సమస్యలకు , ఎదుగుతున్న పిల్లలకు ఒక ఔషధముగా , మూత్ర సంబంధమైన అన్ని సమస్యలకు , కాన్సర్ నుండి రక్షణకు , కడుపులో అల్సర్ మరియు ట్యూమర్ వంటివి రాకుండా , కంటి చూపు మెరుగు పడుటకు , స్త్రీల ఋతుక్రమము ను క్రమ బద్ధము చేయుటకు , గర్భంలో ని ఫ్ఫైబ్రాయిడ్స్ రాకుండా , ఆస్మాను తగ్గించుటకు , బ్రాంకైటీస్ మరియు ట్యూబర్ క్యులోసిస్ వంటి జబ్బుల నుండి రక్షణకు , షుగర్ లెవెల్స్ కంట్రోల్ చేయడానికి , తలకు సంబంధించిన వ్యాధులను నిరోధించడానికి, మూత్రం లో రాళ్ళు ఏర్పడకుండా కాపాడటానికి ఈ విధంగా అనేక సమస్యలను దరిచేరనివ్వకుండా ఈ మునగ కాయలు కాపాడతాయి .
నాటు మునగ కాయలు ప్రాశస్త్యం కనుక మార్కెట్లో లభించిన పక్షంలో నాటు ములక్కాయలే వాడండి .
లభించని యెడల హైబ్రిడ్ మునగ కాయలు అయినా కనీసం వారానికి రెండుసార్లు ఆహారంలో ఏదో ఒక రూపంలో ఉపయోగించండి .
0 comments:
Post a Comment