ఆలూరుకృష్ణప్రసాదు .
తోటకూర పులుసు .
కావలసినవి .
తోటకూర -- రెండు కట్టలు .
ఉల్లిపాయలు -- మూడు
పచ్చిమిరపకాయలు -- ఎనిమిది.
చింతపండు -- నిమ్మకాయంత
కారం --- స్పూను
ఉప్పు -- తగినంత
పసుపు --- కొద్దిగా
పోపునకు .
ఎండుమిరపకాయలు -- 4 మెంతులు -- కొద్దిగా
ఆవాలు --- అర స్పూను
జీలకర్ర --- పావు స్పూను
నూనె -- నాలుగు స్పూన్లు
కరివేపాకు -- రెండు రెమ్మలు
ఇంగువ --- కొద్దిగా
తయారీ విధానము .
తోటకూర అడుగు వేళ్ళు ముదరకాడలు తీసేసి రెండుసార్లు బాగా కడిగి సన్నగా తరుగు కోవాలి .
ఉల్లిపాయలు ముక్కలుగా తరుగు కోవాలి .
పచ్చిమిర్చి నిలువుగా తరుగు కోవాలి .
చింతపండు విడదీసి ఒక గ్లాసు నీళ్ళు పోసి పది నిముషాలు నానబెట్టుకుని పల్చగా రసం తీసుకోవాలి .
ఎండుమిరపకాయలు ముక్కలుగా చేసుకోవాలి .
ఇప్పుడు స్టౌ మీద బాండీ పెట్టి మొత్తము నూనె వేసి నూనె బాగా కాగగానే వరుసగా ఎండుమిర్చి ముక్కలు , మెంతులు , జీలకర్ర , ఆవాలు , ఇంగువ మరియు కరివేపాకు వేసి పోపు వేగగానే ముందుగా ఉల్లిపాయ ముక్కలు , పసుపు , ఒక స్పూను కారం , తగినంత ఉప్పు వేసి మూతపెట్టి ముక్కలు మూడు వంతులు పైగా మగ్గేలా పది నిముషాలు మగ్గ నివ్వాలి .
తరువాత తరిగిన తోటకూర , చింతపండు రసం , మరో అరగ్లాసు నీళ్ళు పోసి మూత పెట్టి ఆకు అంతా ఉల్లిపాయల తో సహా పూర్తిగా ఉడికే విధంగా పది నిముషాలు ఉంచాలి .
దింపే ముందు అర గ్లాసు నీళ్ళలో స్పూను బియ్యపు పిండి వేసి స్పూను తో బాగా కలుపుకొని ఉడుకుతున్న పులుసుకూర లో వేసి మరో అయిదు నిముషాలు ఉడక నిచ్చి దింపు కోవాలి .
అంతే ఎంతో రుచిగా ఉండే తోటకూర పులుసు కూర అన్నం లోకి మరియు చపాతీ ల లోకి సర్వింగ్ కు సిద్ధం.
ఇంక కొంతమంది చాలా చిన్న బెల్లం ముక్క ఉడికేటప్పుడు వేస్తారు .
కొంతమంది లేత ఆనపకాయ ముక్కలు వేస్తారు .
మరి కొంతమంది చింతపండు బదులుగా టమోటో ముక్కలు వేస్తారు .
ఇదే రెసిపీని మీ అభిరుచి కనుగుణంగా మార్చుకోవచ్చును .
0 comments:
Post a Comment