ఆలూరుకృష్ణప్రసాదు .
బజ్జీ మిరపకాయలలో శనగ పిండి కూరిన కూర .
కావలసినవి.
బజ్జీ మిర్చి -- పావు కిలో
శనగపిండి -- అర కప్పు
జీలకర్ర -- పావు స్పూను
ఉప్పు -- తగినంత
నూనె -- 100 గ్రాములు
కారం -- అర స్పూను
తయారీ విధానము .
ముందుగా స్టౌ మీద బాండీ పెట్టి నూనె వేయకుండా శనగపిండి , జీలకర్ర వేసి కమ్మని వాసన వచ్చేదాకా వేయించుకోవాలి .
అందులో అర స్పూను కారం మరియు సరిపడా ఉప్పు వేసి బాగా కలుపుకోవాలి .
పచ్చిమిర్చి నిలువుగా మధ్యలో గాటు పెట్టుకుని ఈ మిశ్రమాన్ని అందులో కూరుకోవాలి .
ఇప్పుడు స్టౌ మీద మళ్ళీ బాండి పెట్టుకుని మొత్తం నూనె పోసి నూనె బాగా కాగగానే స్టౌ ను మీడియం సెగన పెట్టి కూరిన బజ్జీ మిర్చి వేసి పిండి మరియు మిర్చి మాడకుండా జాగ్రత్తగా అట్లకాడతో కదుపుతుండాలి .
కూర వేగగానే కూరిన పిండి మిగిలితే అదికూడా కూర పైన వేసి మరో మూడు నిముషాలు ఉంచి దింపి వేరే ప్లేటులోకి తీసుకోవాలి .
అంతే ఎంతో రుచిగా ఉండే బజ్జీ పచ్చి మిర్చి శనగ పిండి కూర భోజనము లోకి సర్వింగ్ కు సిద్ధం.
0 comments:
Post a Comment