కొబ్బరి అన్నం .
ఆలూరు కృష్ణప్రసాదు .
తయారీ విధానము .
కొబ్బరిపాలు -- రెండు కప్పులు .
కొబ్బరి పాలు తీసుకునే విధానము .
ఒక కొబ్బరి కాయను కొట్టి రెండు చిప్పలను పచ్చి కొబ్బరి కోరాముతో తురుముకుని మిక్సీ లో తురుమిన కొబ్బరి వేసి పావు గ్లాసు నీళ్ళు పోసి మిక్సీ వేసుకుని వేరే గిన్నెలో కొబ్బరి పాలు వడకట్టుకోవాలి .
ఇదే పద్దతిలో మరో సారి వేసుకోవాలి .
అలా రెండు కప్పుల కొబ్బరి పాలు తీసుకొని విడిగా ఉంచుకోవాలి .
మరో చిప్ప కొబ్బరి తురుముకుని విడిగా ఉంచుకోవాలి .
తర్వాత ఒక గిన్నెలో గ్లాసు బియ్యం పోసి నీళ్ళతో కడిగిన , తర్వాత గ్లాసు నీళ్ళు పోసి స్టౌ మీద పెట్టి ఉడుకుతుండగా సిద్ధంగా ఉంచుకున్న రెండు కప్పుల కొబ్బరి పాలు కూడా పోసి అన్నం పూర్తిగా ఉడకనివ్వాలి .
వార్చ వద్దు .
తర్వాత ఒక బేసిన్ లో అన్నం వార్చుకోవాలి .
తర్వాత స్టౌ మీద బాండి పెట్టి నాలుగు స్పూన్ల నెయ్యి వేసి నెయ్యి కాగగానే నాలుగు ఎండుమిర్చి తుంపిన ముక్కలు , రెండు స్పూన్లు పచ్చి శనగపప్పు , స్పూనున్నర మినపప్పు , ముప్పావు స్పూను జీలకర్ర , స్పూను ఆవాలు , కొద్దిగా ఇంగువ , అయిదు నిలువుగా చీల్చిన పచ్చిమిర్చి , మూడు రెమ్మలు కరివేపాకు , స్పూను తరిగిన అల్లం , మూడు స్పూన్లు పల్లీలు , పది జీడిపప్పు పలుకులు వేసి వేయించుకుని , తర్వాత సిద్ధంగా ఉంచుకున్న కప్పు పచ్చి కొబ్బరి తురుము , మరియు తగినంత ఉప్పు కూడా వేసి కొబ్బరి తురుము పచ్చి వాసన పోయే వరకు కొద్దిగా వేయించుకుని బేసిన్ లో సిద్ధంగా ఉంచుకున్న అన్నంలో వేసుకుని కొద్దిగా తరిగిన కొత్తిమీర వేసుకుని గరిటతో బాగా కలుపుకోవాలి .
అంతే ఎంతో రుచికరమైన కొబ్బరి అన్నం సర్వింగ్ కు సిద్ధం .
ఈ కొబ్బరి అన్నం టమోటా చట్నీతో కాని అల్లం చట్నీతో కాని తింటే చాలా రుచిగా ఉంటుంది .
0 comments:
Post a Comment