పొదీనా కొత్తిమీర పచ్చడి
ఆలూరుకృష్ణప్రసాదు .
పొదినా మరియు కొత్తిమీర పచ్చడి .
పొదినా --- రెండు కట్టలు .
కొత్తిమీర -- ఒక కట్ట
పచ్చిమిర్చి -- పది
చింతపండు --- నిమ్మ కాయంత
పసుపు --- కొద్దిగా
ఉప్పు -- తగినంత
బెల్లం -- చిన్న ముక్క
పోపునకు .
నూనె --- అయిదు స్పూన్లు
ఎండుమిరపకాయలు -- 5
మినపప్పు --- స్పూను .
మెంతులు -- కొద్దిగా
ఇంగువ -- కొద్దిగా
ఆవాలు -- అర స్పూను
తయారీ విధానము .
చింతపండు విడదీసి కొద్దిగా నీళ్ళలో తడిపి ఉంచుకోవాలి .
పొదినా ఆకు వలుచుకొని ఒక కప్పు న్నర పొదినా ఆకు సిద్ధంగా ఉంచుకోవాలి .
కొత్తిమీర కాడలు తీసి సిద్ధంగా ఉంచుకోవాలి .
ఇప్పుడు స్టౌ మీద బాండీ పెట్టి మొత్తం నూనె వేసి నూనె బాగా కాగగానే వరుసగా ఎండుమిరపకాయలు , మినపప్పు , మెంతులు , ఆవాలు , ఇంగువ వేసి పోపు వేగాక ఒలిచిన పొదినా ఆకులు , పచ్చిమిరపకాయలు మరియు కొద్దిగా పసుపు వేసి మూత పెట్టి ఓ అయిదు నిముషాలు మగ్గనివ్వాలి .
పోపు చల్లారగానే మిక్సీ లో ఎండుమిరపకాయలు , చింతపండు నీళ్ళతో సహా , తగినంత ఉప్పు వేసి మిక్సీ వేసుకోవాలి .
తర్వాత చిన్న బెల్లం ముక్క , మగ్గిన పొదినా ఆకులు , పచ్చి మిర్చి మిగిలిన పోపు మరియు కొత్తిమీర మొత్తం వేసుకుని మెత్తగా మిక్సీ వేసుకుని ఒక గిన్నెలో కి తీసుకోవాలి .
అంతే . ఇడ్లీ , దోశె , చపాతీ మరియు అన్నం లోకి కొత్తిమీర మరియు పొదీనా వాసనతో చట్నీ సర్వింగ్ కు సిద్ధం .
0 comments:
Post a Comment