సగ్గు బియ్యము వడలు .
ఆలూరు కృష్ణప్రసాదు .
కావలసినవి .
సగ్గుబియ్యం -- ఒక కప్పు
శనగపిండి -- ఒక కప్పు
బియ్యపు పిండి -- ముప్పావు కప్పు
తరిగిన కరివేపాకు -- పావు కప్పు
తరిగిన పచ్చిమిర్చి -- స్పూను న్నర
అల్లం కొద్దిగా మెత్తగా దంచి అర స్పూను సిద్ధంగా ఉంచుకోవాలి .
జీలకర్ర - పావు స్పూను
కారం -- అర స్పూను
ఉప్పు -- తగినంత
నూనె -- అర కిలో
తయారీ విధానము .
ఒక గిన్నెలో సగ్గుబియ్యం వేసుకుని తగినన్ని నీళ్ళు పోసుకుని మూడు గంటలు సేపు నానపెట్టుకోవాలి .
ఆ తర్వాత ఆ గిన్నెలో కప్పు శనగపిండి, ముప్పావు కప్పు బియ్యపు పిండి , తరిగిన కరివేపాకు , సన్నగా తరిగిన పచ్చిమిర్చి , జీలకర్ర , కొద్దిగా దంచిన అల్లం , కారం మరియు తగినంత ఉప్పు వేసి కొద్దిగా నీళ్ళు పోసుకుని పిండిని వడలు వేసే విధంగా కలుపుకోవాలి .
ఆ తర్వాత స్టౌ మీద బాండీ పెట్టి మొత్తము నూనె వేసి నూనె బాగా కాగగానే పిండిని చిన్న చిన్న వడల్లా చేతితో తట్టి వేసుకోవాలి .
అంతే ఎంతో రుచిగా ఉండే సగ్గు బియ్యము వడలు అల్పాహారమునకు సిద్ధం.
0 comments:
Post a Comment