వెలగపండు పచ్చడి
ఆలూరుకృష్ణప్రసాదు .
వెలగపండు పచ్చడి తయారీ విధానము .
వెలగపండు కొంచెం బీటు ఇచ్చేటట్లుగా కొట్టు కోవాలి
రెండు ముక్కలుగా చేయకూడదు
తయారైన వెలగపండునే తీసుకోవాలి .
తయారుకాని పండు పచ్చడి చేస్తే వగరుగా ఉంటుంది .
బాగా తయారైన పండు వాసన వస్తుంది.
అయినా పచ్చడికి బాగానే ఉంటుంది .
ఇప్పుడు స్టౌ వెలిగించి సెగ సిమ్ లో పెట్టి కాయను అన్ని వైపులా కాల్చు కోవాలి .
బీటివ్వకుండా డైరెక్టుగా స్టౌ మీద పెడితే కాయ పగిలి పోయే ప్రమాదం ఉంది .
చల్లారగానే రెండు ముక్కలు గా చేసుకుని స్పూను తో అందులోని గుజ్జునంతా తీసుకుని కాస్త పసుపు గుజ్జు పై వేసి వేరే పళ్ళెంలో పెట్టు కోవాలి .
ఇప్పుడు స్టౌ వెలిగించి బాండి పెట్టి మూడు స్పూన్లు నూనె వేసి , నూనె బాగా కాగాక నాలుగు ఎండు మిరపకాయలు , పావు స్పూను మెంతులు , స్పూను మినపప్పు , పావు స్పూను ఆవాలు , కొంచెం ఇంగువ వేసి పోపు వేయించుకోవాలి .
పోపు చల్లారగానే ఈ పోపు సామగ్రి మరియు తగినంత ఉప్పు వేసి అంతా మిక్సీలొ వేసి పొడిగా చేసి , తదుపరి ఐదు పచ్చిమిరపకాయలు వేసి మిక్సీ వేసుకోవాలి .
ఆ తర్వాత వెలగపండు గుజ్జు , మరి కాస్త ఎక్కువగా కొత్తిమీర వేసి మెత్తగా మిక్సీ వేసుకుని వేరే బౌల్ లోకి తీసుకోవాలి .
తీపి ఇష్టమైనవారు కొద్దిగా బెల్లం వేసుకోండి .
అంతే అందరూ ఎంతగానో ఇష్టపడే వెలక్కాయ పచ్చడి భోజనము లో సర్వింగ్ కు సిద్ధం.
0 comments:
Post a Comment