ఆరోగ్యానికి రాగి పిండితో జావ.
ఆలూరు కృష్ణప్రసాదు .
ఒక కప్పు రాగి పిండి ఒక గిన్నెలో వేసుకుని అందులో మూడు కప్పుల నీళ్ళు పోసి మరియు కొద్దిగా ఉప్పు వేసి బాగా కలుపుకుని స్టౌ మీద పెట్టి ఒక పదిహేను నిముషాల పాటు మీడియం సెగన బాగా ఉడకనివ్వాలి .
ఉడికిందో లేదో చెయ్యి తడి చేసుకుని చూస్తే చేతికి అంటకూడదు .
చల్లారగానే చేతితో చిన్న ఉండలుగా చేసుకుని అందులో మజ్జిగ పోసి మరి కాస్త ఉప్పు వేసి రాత్రంతా మజ్జిగలో నానబెట్టాలి .
మరుసటి రోజు స్టౌ మీద బాండీ పెట్టి రెండు స్పూన్లు నెయ్యి వేసి ఒక ఎండుమిర్చి , జీలకర్ర , ఆవాలు ,కరివేపాకు వేసి పోపు వేసుకుని అందులో సన్నగా తరిగిన ఒక ఉల్లిపాయ ముక్కలు మరియు సన్నగా తరిగిన పచ్చిమిర్చి ముక్కలు వేసి మగ్గనిచ్చి ఆ తర్వాత ఈ రాగి జావలో వేసి ఉండలుగా ఉన్నట్లయితో చేతితో బాగా నలిపి అవసరమైతే మరి కాస్త మజ్జిగ పోసుకుని జావలా పల్చగా చేసుకుని ప్రతిరోజు ఉదయాన్నే ఒక గ్లాసు మోతాదులో తీసుకోవాలి .
ఈ రాగి జావ సన్నపడాలనుకునే వారికి మంచిది.
శరీరానికి చలువ చేస్తుంది
మధుమేహ వ్యాధిగ్రస్తులకు కూడా చాలా మంచిది.
ఎముకలకు పుష్టి నిస్తుంది .
0 comments:
Post a Comment