ఆలూరుకృష్ణప్రసాదు .
వంకాయ పెరుగు పచ్చడి.
రెండు వంకాయలు తీసుకుని పుచ్చులు లేకుండా చూసుకుని కాయ అంతా నూనె రాసి స్టౌ వెలిగించి సిమ్ లో పెట్టుకుని , కాయలను మధ్య మధ్య తిప్పుతూ అన్ని వైపులా బాగా కాల్చుకోవాలి.
చల్లారాక నీళ్ళతో తడి చేయి చేసుకుని పై పొట్టు తీసేసుకోవాలి.
తిరిగి స్టౌ వెలిగించి బాండీ పెట్టి రెండు స్పూన్లు నెయ్యి వేసి రెండుఎండు మిర్చి ముక్కలుగా చేసి , స్పూను మినపప్పు ,అర స్పూను ఆవాలు , పావు స్పూను జీలకర్ర , కొద్దిగా ఇంగువ మరియు రెండు రెమ్మలు కరివేపాకు వేసి పోపు వేయించు కోవాలి .
ఒక కట్ట కొత్తిమీర , మూడు పచ్చిమిర్చి మరియు కొద్దిగా ఉప్పు వేసి మిక్సీ లో తిప్పుకోవాలి .
ఒక గిన్నెలో కాల్చి పై తొక్క తీసి సిద్ధంగా ఉంచుకున్న వంకాయలు , రెండు కప్పుల పెరుగు వేసి , కొంచెం ఉప్పు వేసి చేత్తో బాగా కలుపు కోవాలి .
తర్వాత సిద్ధంగా ఉంచుకున్న కొత్తిమీర మరియు పచ్చిమిర్చి పేస్ట్ కూడా వేసి స్పూనుతో బాగా కలుపుకోవాలి .
ఆ తర్వాత సిద్ధం చేసుకున్న పోపు అందులో వేసుకొని బాగా కలిపి పైన కొత్తిమీర వేసుకోవాలి .
అంతే వంకాయ పెరుగు పచ్చడి సర్వింగ్ కు సిద్ధం.
ఈ పచ్చడి భోజనము లోకి మరియు దోశెలలోకి కూడా బాగుంటుంది .
సంబంధించిన రెసిపీ మరియు ఫోటో నా స్వంతం .
0 comments:
Post a Comment