కొత్తిమీర కారం

ఆలూరుకృష్ణప్రసాదు .

కొత్తిమీర   కారం .

తయారీ విధానము .

కొత్తిమీర  కారం.

కావలసినవి.

ఎండుమిరపకాయలు   బాగా  గల గల లాడుతూ  ఎండినవి -- 12
పచ్చి మిరపకాయలు  -- 10
చింతపండు   --  40  గ్రా
ధనియాలు  --  నాలుగు  స్పూన్లు
ఉప్పు  --  తగినంత
బెల్లం  --  20  గ్రా
పసుపు  --   పావు  స్పూను
కొత్తిమీర  --  మూడు  కట్టలు మరి  కాస్త  ఎక్కువగా .
ఎంత  ఎక్కువ   వేసుకుంటే  అంత రుచి .

పోపుకు .

ఎండుమిరపకాయలు  - 2
పొట్టు మినపప్పు   --  స్పూను
ఆవాలు  ---  అర  స్పూను
ఇంగువ  ---  కొద్దిగా
నూనె  ---  మూడు స్పూన్లు

తయారీ  విధానము .

ముందు  చింతపండు   విడదీసి   చాలా కొంచెం నీళ్ళలో  తడిపి  ఉంచుకోవాలి.

కొత్తిమీర   ఎక్కువ   మోతాదులో  తీసుకొని   క్రింద కాడలు  తీసి  కడిగి  శుభ్రం  చేసుకోవాలి .

అన్నీ కూడా  వేయించ కుండా  అలాగే  వేసుకోవాలి.

ముందుగా  ఎండుమిరపకాయలు , ధనియాలు , ఉప్పు  వేసి  మిక్సీ లో  పచ్చడి మెత్తగా వేసుకోవాలి .

తరువాత తడిపిన  చింతపండు , పచ్చిమిరపకాయలు   ( తొడిమలు తీసి కడిగి  అలాగే  వేసుకోవాలి  ) బెల్లం , పసుపు  వేసి  మెత్తగా  మిక్సీ  వేసుకోవాలి .

తర్వాత  మొత్తం   కొత్తిమీర   అంతా    వేసి  మరీ మెత్తగా  కాకుండా  పచ్చడి మిక్సీ  వేసుకోవాలి .

కొత్తిమీర , పచ్చి మిరపకాయలు  లో  తడి  ఉంటుంది   కనుక  నీళ్ళు పోయక్కరలేదు  చేసేటప్పుడు .

మరీ  గట్టిగా   అన్పిస్తే  నీళ్ళు  చేత్తో చిలకరిస్తే సరిపోతుంది .

తర్వాత  వేరే గిన్నెలోకి  తీసుకోవాలి .

ఇప్పుడు  స్టౌ  మీద  బాండి  పెట్టి  నూనె  వేసి  నూనె  కాగగానే  ఎండు మిర్చి , మినపప్పు , ఆవాలు , ఇంగువ  తో  పోపు  పెట్టుకొని  స్పూను  తో  బాగా  కలుపుకోవాలి .

అంతే  వెరైటీ  కొత్తిమీర   కారం  సిద్ధం.

ఈ  కొత్తిమీర  కారం  ఇడ్లీ , దోశెలు, పూరీలు , చపాతీలు మరియు  భోజనము  లోకి  కూడా  చాలా  బాగుంటుంది .

సంబంధిత రెసిపీ  మరియు  ఫోటో  నా స్వంతం .