మునక్కాడ ఆవకాయ

ఆలూరుకృష్ణప్రసాదు .

మునక్కాడ ఆవకాయ .

ములక్కాడలు  కొద్దిగా ముదురుగా గింజతో  ఉండాలి . ---  4

అంగుళంన్నర  ముక్కలుగా  తరుగు కోవాలి .

నూనె  ---  100 గ్రాములు .

చింతపండు  --  75 గ్రాములు .

విడదీసుకుని  వేడి నీళ్ళల్లో  ఒక  అరగంట   నానబెట్టుకుని  చిక్కగా  పులుసు  తీసుకుని  స్టౌ మీద బాగా ఉడక పెట్టుకోవాలి .

కారం  --  అయిదు స్పూన్లు .

మెంతి పిండి  --  స్పూను .

ఆవపిండి  --  రెండు స్పూన్లు 

మెత్తని  ఉప్పు  --  మూడు  స్పూన్లు .

పసుపు  --  అర స్పూను .

మెంతులు  -- అర స్పూను .

తయారీ  విధానము .

ముందుగా  కారము , మెంతిపిండి , ఆవపిండి  ఈ మూడు  మరియు  మెత్తని  ఉప్పు ఒక చిన్న బేసిన్ లో వేసుకుని  ఆవకాయకు మాదిరిగా  చేతితో  బాగా కలుపుకోవాలి .

తయారీ విధానము .

ముందుగా  స్టౌ  మీద బాండి పెట్టి  షుమారు 50  గ్రాముల  నూనె వేసి  నూనె బాగా కాగగానే  అందులో అర స్పూను  మెంతులు వేసి మెంతులను కొద్దిగా  వేగనిచ్చి  అందులో  మునక్కాడ ముక్కలను వేసి బాగా  ముక్కలను  బాగా వేగ నివ్వాలి .

ఆ తర్వాత ముక్కలను  బాగా చల్లార నివ్వాలి .

తర్వాత  ఉడికించి  చల్లారిన  చిక్కని చింతపండు రసము , అన్నీ కలిపిన మిశ్రమము , పసుపు వేసి బాగా  గరిటెతో  కలుపుకోవాలి .

ఇప్పుడు  స్టౌ మీద బాండీ పెట్టి  మొత్తము నూనె వేసి  నూనె బాగా కాగగానే ఒక ఆరు ఎండుమిరపకాయలు , స్పూను  ఆవాలు   మరియు  కొద్దిగా  ఇంగువ వేసి  పోపు   బాగా చల్లారాక  ఆవకాయలో కలిపి ఓ  మూడు గంటల పాటు  పిండి  ముక్కలు  ఊర  నిచ్చి  తర్వాత జాడీలోకి  తీసుకోవాలి .

వెల్లుల్లి  ఇష్టమైన వారు  ఇంగువ బదులుగా  పై  తొక్క వలిచిన  ఓ  30  వెల్లుల్లి  రెబ్బలు  పోపులో వేసుకుని  వేగనిచ్చి చల్లారాక  ఆవకాయలో  కలుపుకోవచ్చు .

మేము  ఇంతవరకు ఈ  మునక్కాయ ఆవకాయ  పెట్టలేదు . మొదటిసారిగా కొద్దిగా  వెల్లుల్లి  వేయకుండా పెట్టుకున్నాము .

రుచి  బాగానే ఉంది .

ఇష్టమైన వారు  ప్రయత్నించండి .

షుమారు  ఓ  రెండు నెలలు  నిల్వ ఉంటుందనుకుంటాను .

ఈ  మునగావకాయ భోజనము లోకి  మరియు  చపాతీల లోకి కూడా  రుచిగా ఉంటుంది.