కొత్తిమీర చట్నీ

ఆలూరుకృష్ణప్రసాదు .

కొత్తిమీర  చట్నీ.

కొత్తిమీర  --  ఒక కప్పు.
తురిమిన పచ్చి కొబ్బరి --  ఒక కప్పు.
పచ్చిమిర్చి  --  ఎనిమిది .
చింతపండు  --  ఉసిరి కాయంత.
ఇంగువ  --  కొద్దిగా .
ఉప్పు  --  తగినంత .

తయారీ  విధానము .

ముందుగా  మిక్సీ లో  పైన  కొత్తిమీర , పచ్చి కొబ్బరి , పచ్చి మిర్చి , చింతపండు , ఇంగువ  మరియు  తగినంత ఉప్పు  వేసుకుని , మరీ మెత్తగా కాకుండా మిక్సీ  వేసుకోవాలి .

నూరిన పచ్చడి వేరే  గిన్నెలోకి  తీసుకోవాలి.

తర్వాత స్టౌ మీద పోపు గరిటె  పెట్టుకుని  రెండు స్పూన్లు  నెయ్యి  వేసి  నెయ్యి బాగా కాగగానే  మూడు ఎండుమిరపకాయలు  చిన్న ముక్కలుగా చేసుకుని , స్పూను  మినపప్పు , అర స్పూను ఆవాలు మరియు రెండు రెమ్మలు కరివేపాకు వేసి పోపు వేయించుకుని   పచ్చడిలో  వేసుకుని  స్పూనుతో బాగా కలుపుకోవాలి .

అంతే  ఎంతో రుచిగా  ఉండే  కొత్తిమీర  పచ్చడి  ఇడ్లీ , దోశెలు , వేడి వేడి పూరీలు మరియు భోజనము లోకి  సిద్ధం .