బియ్యపు పిండితో రుచికరమైన మీగడ చక్కిలాలు / జంతికలు .
ఆలూరుకృష్ణప్రసాదు .
బియ్యపు పిండితో మీగడ చక్కిలాలు.
కావలసినవి .
మర పట్టించిన బియ్యపు పిండి -- నాలుగు కప్పులు.
మీగడతో ఉన్న పెరుగు -- ఒక కప్పు.
( జంతికలు పుల్లగా తినడానికి ఇష్ట పడే వారు పుల్లని మీగడ పెరుగు వేసుకోవచ్చును. )
ఉప్పు -- తగినంత
కారము -- ఒక స్పూను
వాము -- ఒక స్పూను
నువ్వుపప్పు - ఒక స్పూను
నూనె -- 350 గ్రాములు.
తయారీ విధానము .
ఒక బెసిన్లో మెత్తగా మరపట్టించి జల్లెడ పోసుకున్న బియ్యపు పిండి , వాము , నువ్వుపప్పు , కారం, వేసుకుని అందులో మీగడ పెరుగు మరియు తగినంత ఉప్పు వేసుకుని చేతితో బాగా కలుపు కోవాలి .
ఇప్పుడు అవసరమైతే కొద్దిగా నీళ్ళు పోసుకుంటూ చక్కిలాలు వేయటానికి వీలుగా పిండిని గట్టిగా కలుపుకోవాలి .
తర్వాత బాగా పిండిని మెదాయించుకోవాలి.
ఇప్పుడు స్టౌ వెలిగించి బాండి పెట్టుకుని మొత్తము నూనె పోసి నూనెను పొగలు వచ్చే విధముగా బాగా కాగనివ్వాలి.
తర్వాత పిండిని చక్కిలాలు వేసే గిద్దలో పెట్టుకుని స్టౌ మీడియం సెగలో పెట్టి రెండు రెండు చొప్పున చక్రాలు వేసుకుని బంగారు రంగులో వేయించుకుని తీసేసుకోవాలి .
అంతే ఎంతో రుచిగా ఉండే చల్ల చక్రాలు / మీగడ చక్రాలు అల్పాహారానికి సిద్ధం.
ఈ చక్కిలాలు పది రోజులు పైన నిల్వ ఉంటాయి .
సంబంధించిన రెసిపీ మరియు ఫోటో నా స్వంతం .
0 comments:
Post a Comment