వేడివేడిగా ఉల్లిపాయ పకోడీలు

ఆలూరుకృష్ణప్రసాదు .

వేడి వేడి గా ఉల్లిపాయ  పకోడీలు.

కావలసినవి .

శనగపిండి  --  100 గ్రాములు .
ఉల్లిపాయలు  -- 3 
( నిలువుగా  సన్నగా  తరుగు కోవాలి . )
పచ్చిమిరపకాయలు  -  4 
( సన్నగా  తరుగు కోవాలి )
కరివేపాకు  --  నాలుగు  రెమ్మలు . ( ఆకులు వలుచుకుని  సన్నగా తరుగుకోవాలి  )
ఉప్పు  --  తగినంత .
కారం  --  అర స్పూను .
( పచ్చిమిరపకాయల  కారం సరిపోతుంది . కారంగా  కావాలనుకునే  వారు  అర స్పూను కారం వేసుకోండి . )

నూనె  --  200 గ్రాములు .

తయారీ విధానము .

ముందుగా  ఒక  బెసిన్ లో నిలువుగా  తరిగిన  ఉల్లిపాయలు , సన్నగా  తరిగిన  పచ్చిమిర్చి , సన్నగా తరిగిన  కరివేపాకు , కారంగా ఇష్ట పడే వారు అర స్పూను కారము  మరియు తగినంత  ఉప్పు వేసుకుని  చేతితో  నొక్కుతూ  బాగా కలుపుకోవాలి . ( పిసకాలి ) . ఉల్లిపాయల  నుండి నీరు వచ్చి  తడిగా అవుతుంది .

ఇప్పుడు  అందులో శనగపిండి వేసి చాలా కొద్దిగా  నీరు పోసుకుని  గట్టిగా  కలుపు కోవాలి.

తర్వాత  స్టౌ మీద  బాండీ  పెట్టి  మొత్తము  నూనె  వేసి ,  నూనె బాగా  పొగలు వచ్చేటట్లు కాగగానే , చిన్న చిన్న పకోడీలు  లాగా వేసుకుని  చిల్లుల గరిటెతో  బాగా  కదుపుతూ, పకోడీలు  బంగారు  రంగులో  వేయించుకుని  వేరే ప్లేటు లోకి  తీసుకోవాలి .

మేము  ఇలా చేసుకున్న పకోడీలు  వేడి వేడి అన్నంలో నెయ్యి వేసుకుని  కూర లాగా నంచుకుని తినేస్తాము.

ఈ పకోడీలు  మధ్యాహ్నము  అల్పాహారానికి  చాలా రుచిగా ఉంటాయి .

సంబంధించిన  ఫోటో మరియు రెసిపీ  నా స్వంతం .