ఆలూరుకృష్ణప్రసాదు .
*************************
మామిడి అల్లం పచ్చడి .
తయారీ విధానము .
స్టౌ మీద బాండీ పెట్టి మూడు స్పూన్లు నూనె వేసి పది ఎండుమిరపకాయలు , అర స్పూను మెంతులు , స్పూనున్నర మినపప్పు , స్పూను ఆవాలు , రెండు రెమ్మలు కరివేపాకు మరియు ఎనిమిది పచ్చి మిరపకాయలు వేసి వేయించుకోవాలి .
నిమ్మ కాయంత చింతపండు షుమారు 50 గ్రాములు విడదీసి చాలా కొద్ది నీళ్ళలో తడిపి ఉంచుకోవాలి .
ఒక 50 గ్రాముల మామిడి అల్లం పై చెక్కు తీసుకుని ముక్కలుగా చేసుకుని సిద్ధం చేసి ఉంచుకోవాలి .
ఇప్పుడు మిక్సీ లో సరిపడా ఉప్పు , వేయించిన ఎండుమిరపకాయలు , కొద్దిగా పసుపు , వేసి మెత్తగా మిక్సీ వేసుకోవాలి.
తర్వాత మిగిలిన పోపు చిన్న ముక్కలు గా తరిగిన మామిడి అల్లం , చింతపండు కొద్దిగా నీళ్ళతో , చాలా కొంచెం బెల్లం మిక్సీ లోవేసి మెత్తగా వేసుకోవాలి.
ఆ తర్వాత వేరే గిన్నెలోకి తీసుకోవాలి .
ఈ మామిడి అల్లం పచ్చడి ఇడ్లీ , దోశెలు , చపాతీలు మరియు అన్నం లోకి అన్నిటిలోకి కూడా చాలా రుచిగా ఉంటుంది .
0 comments:
Post a Comment