ఆలూరుకృష్ణప్రసాదు .
పచ్చి టమోటాల పచ్చడి .
కావలసినవి .
బాగా పచ్చి టమోటాలు తయారైనవి --- ఎనిమిది
పచ్చి మిర్చి --- పది .
కరివేపాకు --- మూడు రెబ్బలు
కొత్తిమీర --- ఒక కట్ట.
చింతపండు -- నిమ్మకాయంత
ఉప్పు -- తగినంత
పసుపు -- అర స్పూను .
నూనె -- రెండు గరిటెలు .
పోపుకు కావలసినవి .
ఎండుమిర్చి -- ఎనిమిది
ఆవాలు - స్పూను
మినపప్పు -- రెండు స్పూన్లు
జీలకర్ర -- అర స్పూను
ఇంగువ -- తగినంత
మెంతులు - అర స్పూను .
తయారీ విధానము --
ముందుగా పచ్చి టమోటాలు ముక్కలుగా కోసుకోవాలి .
బాండీలో నూనె వేసుకుని నూనె కాగగానే పచ్చి టమోటాలు , పచ్చి మిర్చి ముక్కలను , కొద్దిగా ఉప్పు , పసుపు వేసి మగ్గనివ్వాలి.
ఇప్పుడు మళ్ళీ బాండీలో నూనె వేసి నూనె బాగా కాగగానే ముందుగా మెంతులు , ఎండుమిర్చి , మినపప్పు , జీలకర్ర , ఆవాలు మరియు కరివేపాకు పోపు పదార్ధములన్నీ వేసి పోపు పెట్టుకోవాలి.
ఇప్పుడు మిక్సీ లో ముందుగా ఎండు మిర్చి , చింతపండు , ఉప్పు , వేసి మెత్తగా మిక్సీ వేసుకోవాలి.
మగ్గపెట్టిన టమోటా ముక్కలు, పచ్చిమిరపకాయలు కొత్తిమీర మిగిలిన పోపు వేసి మరీ మెత్తగా కాకుండా మిక్సీ వేసుకోవాలి.
తర్వాత వేరే గిన్నెలోకి తీసుకోవాలి .
అంతే ఘమ ఘమ లాడే కొత్తిమీర ,ఇంగువ వాసనలతో పచ్చి టమోటో పచ్చడి సర్వింగ్ కు సిద్ధం .
0 comments:
Post a Comment