ఆలూరుకృష్ణప్రసాదు .
క్యారెట్ , కొబ్బరి మరియు మామిడి కాయ పచ్చడి .
కావలసినవి .
క్యారట్ -- రెండు . చిన్న చిన్న ముక్కలుగా చాకుతో కట్ చేసుకోవాలి .
చెక్కు తీయనవసరము లేదు.
పచ్చి కొబ్బరి -- ఒక చిప్ప .
చిన్న చిన్న ముక్కలుగా కట్ చేసుకోవాలి .
పచ్చి మామిడి కాయ -- సగం .
పై చెక్కు తీసుకుని చిన్న చిన్న ముక్కలుగా కట్ చేసుకోవాలి .
పచ్చిమిరపకాయలు -- 6
పసుపు -- కొద్దిగా
ఉప్పు -- తగినంత
కరివేపాకు -- మూడు రెమ్మలు
కొత్తిమీర -- చిన్న కట్ట
పోపునకు .
ఎండుమిరపకాయలు -- 8
పచ్చి శనగపప్పు -- రెండు స్పూన్లు .
మినపప్పు -- స్పూను
మెంతులు -- పావు స్పూను
ఆవాలు -- అర స్పూను
జీలకర్ర -- పావు స్పూను
ఇంగువ -- కొద్దిగా
నూనె -- మూడు స్పూన్లు .
తయారీ విధానము .
ముందుగా స్టౌ మీద బాండీ పెట్టి మూడు స్పూన్లు నూనె వేసి నూనె బాగా కాగగానే వరుసగా ఎండుమిరపకాయలు , మెంతులు , శనగపప్పు , మినపప్పు , జీలకర్ర , ఆవాలు , ఇంగువ మరియు కరివేపాకు వేసి పోపు పెట్టుకోవాలి .
పోపు చల్లారగానే ముందుగా మిక్సీ లో ముందుగా ఎండుమిరపకాయలు ,
సరిపడా ఉప్పు మరియు కొద్దిగా పసుపు వేసి మెత్తగా వేసుకోవాలి .
తర్వాత క్యారెట్ ముక్కలు , పచ్చి కొబ్బరి ముక్కలు మరియు మామిడి కాయ ముక్కలు , పచ్చిమిరపకాయలు వేసి ముక్కలను మిక్సీ లో మెత్తగా వేసుకోవాలి .
ఆ తర్వాత మిగిలిన పోపు అంతా వేసి మిక్సీ వేసుకోవాలి .
తర్వాత కొత్తిమీర కూడా వేసుకుని మిక్సీ వేసుకోవాలి .
తర్వాత వేరే గిన్నెలోకి తీసుకోవాలి .
అంతే దోశెలు, చపాతీలు మరియు అన్నం లోకి ఎంతో రుచిగా ఉండే క్యారెట్ , కొబ్బరి మరియు మామిడి కాయ పచ్చడి సర్వింగ్ కు సిద్ధం .
0 comments:
Post a Comment