ఆలూరుకృష్ణప్రసాదు .
పచ్చి మిరపకాయల కారం .
కావలసినవి .
పచ్చి మిరపకాయలు -- 100 గ్రాములు .
చింతపండు -- నిమ్మకాయంత
పదినిముషాలు తడిపి ఉంచుకోవాలి .
కొత్తిమీర -- ఒక కట్ట బాగు చేసుకోవాలి .
ఉప్పు -- తగినంత
పోపుకు .
నూనె -- అయిదు స్పూన్లు .
ఎండుమిరపకాయలు -- 4 ముక్కలు గా చేసుకోవాలి
మెంతులు -- పావు స్పూను
మినపప్పు -- స్పూను
ఆవాలు -- అర స్పూను
ఇంగువ -- కొద్దిగా
కరివేపాకు -- రెండు రెమ్మలు .
పసుపు -- కొద్దిగా
తయారీ విధానము .
ముందుగా పచ్చిమిరపకాయలు తొడిమలు తీసుకోవాలి .
స్టౌ మీద బాండి పెట్టి రెండు స్పూన్లు నూనె వేసి నూనె బాగా కాగగానే పావు స్పూను మెంతులు వేసి వేయించుకుని విడిగా పెట్టుకోవాలి .
ఆ తర్వాత అదే బాండీలో పచ్చిమిరపకాయలు వేసి మూత పెట్టి మగ్గనివ్వాలి .
తర్వాత మళ్ళీ బాండీ పెట్టి మూడు స్పూన్లు నూనె వేసి వరుసగా ఎండుమిరపకాయలు , మినపప్పు , ఆవాలు , ఇంగువ మరియు కరివేపాకు వేసి వేయించుకుని పక్కన పెట్టుకోవాలి .
ఇప్పుడు మిక్సీ లో ఒకసారి వేయించిన మెంతులు వేసుకుని మెత్తగా మిక్సీ వేసుకోవాలి .
ఆ తర్వాత మగ్గపెట్టిన పచ్చిమిర్చి , చింతపండు , కొద్దిగా పసుపు మరియు సరిపడా ఉప్పు వేసి మెత్తగా మిక్సీ వేసుకోవాలి .
ఆ తర్వాత శుభ్రం చేసిన కొత్తిమీర వేసి మిక్సీ వేసుకోవాలి .
తర్వాత ఒక గిన్నెలో కి తీసుకోవాలి .
తర్వాత ఫోటోలో చూపిన విధంగా పైన పోపు వేసుకుని పచ్చడిలో స్పూను తో కలుపుకోవాలి .
అంతే ఎంతో రుచిగా ఉండే పచ్చిమిరపకాయల కారం రెడీ .
0 comments:
Post a Comment