ఆలూరుకృష్ణప్రసాదు .
గోంగూరతో పచ్చడి .
కావలసినవి .
గోంగూర --- కట్టలు -- 2
కట్టలు విడదీసి నీళ్ళలో ముంచి ఇసుక లేకుండా బాగా కడిగి ఒక్కొక్క ఆకు వలుచుకుని నీడలో ఆర బెట్టు కోవాలి .
పచ్చి మిరపకాయలు -- పది
ఉప్పు -- తగినంత
పసుపు -- కొద్దిగా.
నూనె --- రెండు స్పూన్లు
పోపుకు .
నూనె -- మూడు స్పూన్లు
మినపప్పు -- స్పూనున్నర
ఆవాలు -- స్పూను.
ఇంగువ --- కొద్దిగా
తయారీ విధానము .
ముందుగా స్టౌ వెలిగించి బాండీ పెట్టి రెండు స్పూన్లు నూనె వేసి నూనె బాగా కాగగానే వలుచుకుని సిద్ధముగా ఉంచుకున్న గోంగూర , పచ్చి మిరపకాయలు , పసుపు మరియు సరిపడా ఉప్పు వేసి మూత పెట్టి బాగా ఆకును మగ్గ నివ్వాలి .
చల్లారిన తర్వాత ఈ మొత్తము మిశ్రమము మిక్సీ లో మెత్తగా వేసుకోవాలి .
తర్వాత వేరే గిన్నెలోకి తీసుకోవాలి .
మళ్ళీ స్టౌ మీద బాండీ పెట్టి మూడు స్పూన్లు నూనె వేసి నూనెను బాగా కాగనిచ్చి వరుసగా ఎండు మిరపకాయలు ముక్కలు , ఆవాలు మరియు ఇంగువ వేసి వేడి వేడి పోపు పచ్చడిలో వేసుకుని స్పూనుతో బాగా కలుపుకోవాలి .
అంతే ఇంగువ సువాసనతో పుల్ల పుల్లని రుచితో గోంగూర రోటి పచ్చడి భోజనము లోకి సర్వింగ్ కు సిద్ధం.
Fantastic resepies Thanks for postings
ReplyDelete